छाउनीस्थित विपद व्यवस्थापन केन्द्रले शुक्रवार म्यानमारबाट फर्किएका २६ जना नेपालीलाई यति पार्टी प्यालेसको होल्डिङ सेन्टरमा राखिएको जानकारी दिएको छ ।

एक विज्ञप्ति जारी गर्दै केन्द्रले म्यानमारबाट आउन चाहनेमध्ये २६ जना आएको र उनीहरूको पीसीआर टेस्ट नेगेटिभ भएको बताएको हो ।

केन्द्रले जारी गरको विज्ञप्तिमा आज म्यानमारबाट आएका २६ मध्ये १७ जना वागमती, ४ जना गण्डकी, ४ जना प्रदेश १ र १ जना प्रदेश ५ का नागरिक रहेका छन् ।

उनीहरूलाई नेपाली सेनाको व्यवस्थापनमा सुरक्षित एवं व्यवस्थित ढंगले राखिनेछ ।

म्यानमारबाट आएका उनीहरूको व्यक्तिगत विवरण संकलन, स्वास्थ्य परीक्षण लगायतका कमहरू गरी सम्बन्धित प्रदेशहरूको समन्वयमा आ-आफ्नो प्रदेशमा पठाउने आवश्यक तयारी भइरहेको केन्द्रले जनाएको छ ।