माघ १८, २०८०
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सत्तारूढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल 'प्रचण्ड'ले प्रधानमन्त्रीसमेत रहेका अध्यक्ष केपी शर्मा ओलीलाई प्रधानमन्त्री र पार्टी अध्यक्षबाट राजीनामा दिन माग गरेपछि नेकपाभित्रको विवाद उत्कर्षमा पुगेको छ ।
प्रधानमन्त्रीको सरकारीनिवास बालुवाटारमा चालू पाचौं स्थायी कमिटी बैठकको चौथो दिन अध्यक्ष प्रचण्डले पार्टी र सरकारको प्रतिष्ठा धुलिसात पारेको भन्दै ओलीको राजीनामा माग गरेका हुन् । प्रधानमन्त्री ओलीले २ दिन अघि सरकार ढाल्न भारतीय दूतावास सक्रिय रहेको भन्दै औपचारिक वक्तव्य दिएपछि शीर्ष नेताहरूले बैठकमा ओलीसँग स्पष्टिकरण माग गरेका थिए ।
'भारतले होइन, मैले तपाईंको राजीनामा मागेको हुँ,' प्रचण्डको भनाइ उदृत गर्दै स्रोतले लोकान्तरसँग भन्यो, 'तपाईंको कार्यशैलीमा देखिएको समस्याले पार्टी र सरकारको प्रतिष्ठा गुमेको छ ।'
प्रचण्डले यसअघि गत वैशाख १७ गते बसेको सचिवालय बैठकमा पनि ओलीको राजीनामा मागेका थिए । त्यसपछि बसेको २० गतेको बैठकमा ओलीले आफू सच्चिएर जाने प्रतिबद्धता गर्दै आत्मालोचना गरेपछि विवाद केही समयका लागि साम्य भएको थियो ।
त्यतिबेला दल विभाजन खुकुलो गर्नेगरी विवादित अध्यादेश सरकारले ल्याएपछि नेकपाका नेताहरू सशंकित बनेका थिए । बालुवाटारले आफ्नो पक्षमा हस्ताक्षर अभियान नै संचालन गर्यो । स्रोतको दाबीअनुसार त्यतिबेला आफ्नो पक्षमा ६० जना मात्र सांसदको हस्ताक्षर देखेपछि ओली हच्किएका थिए ।
अहिले नेकपा वार या पारमा पुगेको छ । अध्यक्ष प्रचण्डनिकट स्रोतले लोकान्तरलाई भन्यो, 'अलि पहिलासम्म ओलीले पार्टी अध्यक्ष र प्रधानमन्त्री दुईमध्ये कुनै एउटा पद छोडेको भए कुरा मिल्न सक्थ्यो, तर अहिले त्यसमा पनि कुरा मिल्दैन । ओलीले दुवै पद खाली गरेर नेकपालाई जनतामाझ लोकप्रिय र प्रतिष्ठित पार्टी बनाउन सहयोग गर्नुपर्छ ।'
मंगलवारको बैठकमा झापाकी सन्ध्या तिवारीले निर्वाचन आयोगमा नेकपा एमाले दर्ता गर्न निवेदन दिएको विषयमा पनि कुरा उठेको थियो । उपाध्यक्ष वामदेव गौतमले ओलीकै निर्देशनमा एमाले दर्ता गर्न निवेदन दिइएको आरोप लगाए । जवाफमा ओलीले 'म यही पार्टीको अध्यक्ष हुँ' भनेका थिए ।
ओलीले स्वर्गीय मदन भण्डारीको जन्मजयन्तीका दिन प्रधानमन्त्रीबाट कुनै पनि हालतमा राजीनामा नदिने बरू भारतीय स्वार्थका विरुद्ध अडिग रहने बताएका थिए ।
'ओलीको रणनीति सरकार ढाल्न खोज्नेहरू सबै भारतीय गोटी हुन् भन्ने स्थापित गर्न खोजेजस्तो देखिन्छ,' नेता नेपालनिकट एक स्थायी कमिटी सदस्यले लोकान्तरसँग भने, 'तर त्यो ढिला भइसक्यो । सरकार र पार्टीको प्रतिष्ठामा आँच पुर्याउने हिसाबले अध्यक्ष कमरेडले जे जसरी काम गरिरहनुभएको छ, त्यो बेठिक छ । नेकपामा एकसे एक नेता प्रधानमन्त्री र पार्टी अध्यक्ष बन्न लायक हुनुहुन्छ । आफूमात्र सही, अरू गलत भन्ने अध्यक्ष ओलीको कुतर्कले अब काम गर्दैन ।'
नेकपाभित्र देखिएको वार कि पारको लडाईं कहाँ गएर टुंगिन्छ भन्ने थाहा छैन । 'विवाद पहिल्यैदेखि देखिएको थियो, अहिले क्लाइमेक्समा पुगेको छ,' स्थायी कमिटी सदस्य हरिबोल गजुरेलले लोकान्तरसँग भने, 'हेर्दै जाउँ, परिस्थिति कसरी विकसित हुन्छ । क्लाइमेक्समा पुगेपछि ल्याण्ड त हुनैपर्यो ।'
उनले प्रधानमन्त्रीले सिधै भारतीय दूतावासमाथि सरकार ढाल्न खोजेको आरोप लगाउनुले सरकार भारतसँगको कूटनीतिक मोर्चामा असफल भइसकेको पुष्टि भएको बताए । उनले सरकार संचालनमा असफल भएका प्रधानमन्त्रीलाई पार्टीभित्रैबाट राजीनामा मागिनु अस्वाभाविक नहुने टिप्पणी गरे ।
स्थायी साढे ५ बजे बैठक सकिएपछि केही सदस्यहरू पुनः भेला भएका थिए । अध्यक्ष प्रचण्ड र वरिष्ठ नेता माधवकुमार नेपालनिकटका नेताहरू भेला भएको ठाउँ गोप्य राखिएको छ ।
भेलामा सहभागी एक स्थायी कमिटी नेताले भने, 'हामी बदलिँदो परिस्थितिमा कसरी अघि बढ्ने भनेर रणनीति तय गर्न केही बसेका हौँ । त्यस्तो ठूलो बैठक या भेला होइन ।'
मंगलवार बोलेका १८ जना स्थायी कमिटी सदस्यहरूमध्ये १२ जनाले खुलेरै प्रधानमन्त्री ओलीको राजीनामा मागे । बाँकीले सरकारको आलोचना गरेपनि राजीनामा भने मागेनन् । बदलिँदो परिस्थितिलाइ प्रधानमन्त्री ओलीले कसरी सामना गर्छन् त्यो भने हेर्न बाँकी छ ।
मंगलवारको बैठक बस्नुअघि प्रधानमन्त्री ओली राष्ट्रपति विद्यादेवी भण्डारीनिवास पुगेका थिए । स्थायी कमिटी बैठकमा आफूविरुद्ध हुने मोर्चाबन्दीका बारेमा जानकार प्रधानमन्त्री ओलीले राष्ट्रपतिलाई पार्टीको पछिल्लो अवस्थाबारे ब्रिफिङ गरेका थिए ।
राष्ट्रपतिसँग भेट गरेर ओलीले नेकपाभित्र जारी विवादका सन्दर्भमा शीतलनिवासको चासो रहेको सन्देश दिएका छन् ।
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...