मनसुनी वायु  देशभर सक्रिय बनेकाे छ। 

माैसम पूर्वानुमान महाशाखाका अनुसार अहिले प्रदेश १, बागमती प्रदेश, गण्डकी प्रदेश, प्रदेश ५, सुदूरपश्चिम र कर्णालीका केही स्थानमा हल्कादेखि मध्यम वर्षा भइरहेको छ।

आगामी तीन दिनमा ​देशका धेरैजसो स्थानमा मेघगर्जन/चट्याङसहित हल्कादेखि मध्यम वर्षाको  सम्भावना रहेकाे महाशाखाले जनाएकाे छ।  सुदूरपश्चिम प्रदेश, प्रदेश ५, गण्डकी प्रदेश र  बागमती प्रदेश र प्रदेश १ का एक-दुई स्थानमा भारी वर्षाको समेत  सम्भावना  रहेको छ।   

सोमबार

रातीः देशभर सामान्य बदली रहनेछ। देशका धेरैजसो स्थानमा मेघगर्जन/ चट्याङसहित हल्कादेखि मध्यम वर्षाको  सम्भावना छ। प्रदेश १, गण्डकी प्रदेश, प्रदेश ५, र सुदूरपश्चिम  प्रदेशका एक वा दुई स्थानमा भारी वर्षाको सम्भावना छ।

मंगलबार

दिउँसोः देशभर साधारणतया बदली रहनेछ। देशका धेरैजसो स्थानमा मेघगर्जन/ चट्याङसहित हल्कादेखि मध्यम वर्षाको  सम्भावना छ। प्रदेश १,बाग्मती प्रदेश,प्रदेश ५ र गण्डकी प्रदेश का एक वा दुई स्थानमा भारी वर्षाको सम्भावना छ।

रातीः देशभर साधारणतया बदली रही देशका धेरैजसो स्थानमा मेघगर्जन/चट्याङसहित हल्कादेखि मध्यम वर्षाको  सम्भावना छ।  सुदूरपश्चिम प्रदेश, प्रदेश ५, बाग्मती प्रदेश,प्रदेश २ र प्रदेश १ का एक वा दुई स्थानमा भारी वर्षाको सम्भावना छ।

बुधबार

दिउँसोः देशभर सामान्यदेखि पूर्ण बदली रही मुलुकका धेरै स्थानमा मेघगर्जन/चट्याङसहित हल्कादेखि मध्यम वर्षाको  सम्भावना छ। सुदूरपश्चिम प्रदेश, बाग्मती प्रदेश,प्रदेश ५ र गण्डकी प्रदेश र प्रदेश १ का थोरै स्थानमा भारी वर्षाको सम्भावना छ।

रातीः देशभर सामान्यदेखि पूर्ण बदली रही मुलुकका धेरै स्थानमा मेघगर्जन/चट्याङसहित हल्कादेखि मध्यम वर्षाको  सम्भावना छ। बागमती प्रदेश, प्रदेश ५, गण्डकी प्रदेश र प्रदेश १ का एक वा दुई स्थानमा भारी वर्षाको सम्भावना छ।