आफ्नै नवजात शिशुको हत्या आरोपमा पक्राउ परेकी १ नेपाली महिलालाई बिहीवार बेलायतको विन्चेस्टर क्राउन अदालतमा उपस्थित गराइएको छ ।

३ वर्षअघि नेपालबाट बेलायत आएकी २३ वर्षीया बबिता राईलाई सन् २०१७ मेमा नवजात शिशुलाई मारेर इंग्ल्याण्डको अल्डरसटमा रहेको म्यानर पार्कमा गाडेको आरोपमा पक्राउ गरेको जनाइएको छ ।

प्रहरीका अनुसार शिशुलाई १९ मे २०१७ मा सो पार्कमा काम गर्ने एक कामदारले मर्मतसम्भारका क्रममा फेला पारेका थिए । कामदारले प्रहरीलाई खबर गरेपछि राईलगायत अन्य ४ जनाविरुद्ध प्रहरीले अभियोग दर्ता गरेको थियो ।

प्रहरीका अनुसार शिशुको टाउकामा गम्भीर चोट लागेको सन् २०१८ मा गरेको शव परीक्षण रिपोर्टले देखाएको थियो । अदालतमा शिशुलाई ‘यम’ नामले सम्बोधन गरिएको थियो । 

अगस्ट १९ तारिखमा थप सुनुवाइ गर्ने गरी अदालतले बिहीवार समय तोकेको छ । दोभाषेको सहयोगमा आफ्नो कुरा राखेकी राईले अदालतले आफूलाई तारिख दिन नमान्ने बताइन् । न्यायाधीशले उनलाई आफ्नो पक्षमा वकालत गर्ने वकिलले थप कागजात बुझाएर पुनः तारिखका लागि निवेदन दिनसक्ने जनाएका छन् ।