सरकारले भारतीय न्युज च्यानल प्रशारण रोक्ने निजी क्षेत्रको निर्णयको स्वागत गरेको छ।

बिहीबार मात्र स्वदेशी र विदेशी च्यानल प्रसारणको अनुमति पाएका मल्टी सिस्टम अपरेटरहरूले  भारतीय न्युज च्यानल बन्द गरेका थिए।

भारतीय एक न्युज च्यानलले प्रधानमन्त्री केपी शर्मा ओली र नेपालका लागि चिनियाँ राजदूत होउ यान्छीसँगको सम्बन्धलाई जोडेर तथ्यरहित रिपोर्ट प्रसारण गरेको भन्दै नेपालमा भारतीय न्युज च्यानललाई रोक लगाइएको थियो। 

वितरकहरूको यो निर्णयलाई सञ्चार तथा सूचना प्रविधि मन्त्रालयले धन्यवाद दिएको छ।