×

NMB BANK
NIC ASIA

नेपालीमा एउटा उखान छ– ‘कागले कान लग्यो भनेर कागको पछि लाग्नुभन्दा आफ्नै कान छाम्नु बुद्धिमानी हुन्छ ।’ पुर्खाले पहिले बनाएका उखान हो यो तर उखानमै सीमित नभई हालको हाम्रो अवस्थाको प्रतिनिधित्व गरेको छ यसले । अहिले पनि हामी कान छाम्न छाडेर कागको पछि लाग्दै आएका छौंं । 

Sagarmatha Cement
Muktinath Bank

हेर्नुस् त, तपाईंका कान लान बसेका काग कति छन् ? राजनीतिक काग पनि छन्, गैरराजनीतिक काग पनि छन् । कांग्रेसी काग पनि छन् । कम्युनिस्ट काग पनि छन् । राजावादी काग पनि छन् । राजाविरोधी काग पनि छन् । त्यसभित्रका समूह तथा उपसमूहका काग पनि त्यत्तिकै छन् ।


Advertisment
RMC TANSEN
IME BANK INNEWS
shivam ISLAND

यिनमा धर्मसम्प्रदायवादी काग झनै धेरै छन् । हिन्दूवादी काग, अहिन्दूवादी काग, वैष्णव काग, शैव काग, शाक्त काग, द्वैतवादी काग, अद्वैतवादी काग, विशिष्टाद्वैतवादी काग, द्वैताद्वैतवादी काग, शुद्धाद्वैतवादी काग । बौद्धवादी काग, इस्लामवादी काग, इसाईवादी काग । तिनका पनि विभिन्न समूहका काग । ओ हो कति हो कति काग, कागैकाग । कान लाने काग, कान लान बसेका काग, जसका हामी पछि लाग्दै आएका छौं तर कान भने पाउन सकेका छैनौं । 


Advertisment
Nabil box
Kumari

जबसम्म आफ्नै कान छाम्ने प्रयास गर्दैनौं, तबसम्म पाउन सक्ने पनि छैनौं । हामी पछि कुदिरहन्छौ, उनीहरू कुदाइरहन्छन् । कान भने पाउँदैनौं किनकि उनीहरूसित हाम्रो कान नै छैन । जुन छ उनीहरूकै छ, उनीहरूलाई नै चाहिन्छ, हामीलाई दिन सक्दैनन् । हाम्रो आफ्नो कान हामीसँगै छ । तपाईंको कान तपाईंसितै छ । मेरो कान मैसित छ । 

Vianet communication
Laxmi Bank

प्रकृतिले हामीलाई आफूलाई चाहिने कान दिएर पठाएको छ, जलाई कसैले लान सक्दैन । हामीसँगै आएको छ, हामीसँगै जान्छ । मात्र हामीले आफ्नो कान छाम्नुपर्छ, उसको आवाज सुन्न सक्नुपर्छ । उसले सधैं ‘म तिमीसँगै छु, तिम्रो हुँ, मलाई छाम, आवाज सुन’ भन्दै आएको छ । उसले खान हुने नहुने, सुन्न हुने नहुने, बोल्न हुने नहुने, हेर्न र छुन हुने नहुने, गर्न हुने नहुने र खानुपर्ने, सुन्नुपर्ने, बोल्नुपर्ने, छुुनुपर्ने र गर्नुपर्ने सबै भन्दै आएको छ । आवश्यकता छ उसको आवाज सुन्ने र मनन गर्ने । अझै पनि त्यति बिग्रेको छैन । ‘जब जागा तब सबेरा’ । त्यति मात्र गर्न सक्ने हो भने कसैले पनि कान लान सक्दैन, त्यस्तो हिम्मतै गर्न सक्दैन । 

हाम्रो गन्तव्य निकै टाढा छ । अनन्त यात्राका यात्री हौं हामी । अनन्तकालदेखि यसैमा लाग्दै आएका छौं तर गन्तव्य भेटाउन सकेका छैनौं । उसलाई भेटाउने शक्ति पनि छ, यस निम्ति चाहिने साधन प्रकृतिले दिएर पठाएको छ । तैपनि पाउन सकेका छैनौं किनकि कानको खोजीमै छौं हामी । आफ्नो कान अरूले लग्यो भन्ने भ्रम छ हामीमा । त्यसैको पछि लाग्दै आएका छौं, कान छाम्नतिर ध्यानै दिएका छैनौं । उसको आवाज सुनेका छैनौं । हो, गडबडी यहीँ छ । 

तपाईं शक्तिशाली खेलाडी हो, गोल आफैं गर्न सक्नुहुन्छ । अरूको सहयोग चाहिन्न, कसैको वैशाखी चाहिन्न । तपाईंलाई चाहिने तपाईंसितै छ । तपाईसँगै आएको छ, तपाईंकै साथमा छ । आकाश पनि तपाईसँगै छ । जमीन पनि तपाईंसँगै छ । कानले त्यसको संकेत गरेको पनि छ, तर कागको पछि लाग्दैमा फुर्सद छैन हामीलाई । कागले कान लग्यो भनेका छौंं, त्यसकै पछि लागेका छौं । यस्तो चाला रहेसम्म यस्तै हुन्छ । दुःख प्रशस्तै पाइन्छ तर खोजेको चीज पाइँदैन । 

छाता ओढ्न डाँठ आपैmले समाउनुपर्छ । छातेको सहारा खोज्नु हुन्न । अन्यथा उसले छाता आफूतिरै फर्काउँछ । छाता पनि छ, ओढ्न सक्ने शक्ति पनि छ । किन छातेको सहारा खोज्नुहुन्छ ? मानिलिनुस्, पानी परिरहेको छ, छाता पनि छ तर डाँठ अरूलाई समाउन दिनुभयो भने के हुन्छ ? उसले छाता आफैंतर्फ तान्छ, छाता भएर पनि टाउको भिजाउनुपर्छ तपाईंले । डाँठ अर्काको हातमा भएसम्म छाता अरूले उतै तान्छ, तपाईं भिज्नुहुन्छ, भिजिरहनुभएको छ, भिजिरहनुहुनेछ ।

सबैको रुचि अलग छ, स्वभाव अलग छ । प्रकृतिले सबैलाई रुचि र स्वभाव अलग–अलग दिएर पठाएको छ । तपाईंलाई अलग्गै दिएको छ । मलाई अलग्गै दिएको छ । अरूहरूलाई अलग्गै दिएको छ । कसैको पनि अनुहार मिल्दैन, मिलेको जस्तो लागे पनि केही न केही फरक भएकै हुन्छ । किन थाहा छ ? किनकि सबैको रुचि र स्वभाव अलग हुँदा अनुहारको बनोटमा सहयोग गरेको छ । अरूको रुचिको पछि लाग्ने हो भने उसलाई जे मन परेको छ त्यही खानुपर्ने हुन्छ, जुन तपाईंको रुचि र स्वभाव अनुकूल छैन । उनीहरूले भनेको गर्नुपर्नेछ, उनीहरूको बाटो हिँड्नुपर्नेछ । तपाईंको गन्तव्य अन्तै छ, बाटो अलग्गै छ तर बाटो भने अरूले नै हिँडेको बाटो हिँडिरहनुभएको छ भने भन्नुस् त आफ्नो गन्तव्य कसरी भेटाइएला ?

आफ्नो बाटो आफैं हिँड्नुपर्छ । आफैंले खोज्नुपर्छ । नभेटे बनाउनुपर्छ । अरूको भर पर्न हुँदैन । बाटो पत्ता नलागे सोध्नसम्म सकिन्छ । तर कस्तो छ, आफ्नो हो, होइन, आफूले खोजेको जस्तो छ, छैन, आफूलाई मनपर्ने हो, छैन, आफूअनुकूल छ, छैन आदि कुराको निर्णय आफंैले गर्नुपर्छ । सोधेको भरमा, कसैले भनेको भरमा निर्णय गर्न थालियो भने अलमलमा परिन्छ । अरूलाई सोध्दा सबैले आफूले हिँडेको बाटो नै देखाउने हुन्, आफूलाई थाहा भएको बाटो नै बताउने हुन्, जुन तपाईंको नहुन पनि सक्छ, तपाईं अनुकूल नदेखिन पनि सक्छ । त्यस्तो भयो भने के गर्नुहुन्छ ? भएन फसाद ? अहिलेसम्म भएकै त्यही हो । हामी अरूको भरपर्न थाल्यौं । अरूले आफ्नै बाटो देखाइरहे । फलतः हामीेले कहिल्यै गन्तव्य भेट्टाउन सकेनौं, गन्तव्यमा पुग्न सकेनौं । उनीहरूले घुमाइरहे, हामी घुमिरह्यौं । मानिलिनुस्, बजारमा समान किन्न जानुभएको छ । कुन राम्रो भनेर अरूलाई सोध्ने कि आफूलाई राम्रो लागेको खरीद गर्ने ? आफैंलाई राम्रो लागेको खरीद गर्नुपर्छ होइन र ? अरूलाई सोध्न थालियो, अरूले राम्रो भनेकालाई नै राम्रो ठान्न थालियो भने के हालत हुन्छ । हो, द्विविधा भएमा सोध्नु नराम्रो होइन, सोध्नुपर्छ तर आफूलाई राम्रो लागेको छ छैन, आफूअनुकूल छ छैन, सानो ठूलो पो छ कि निर्णय आफैंले गर्नुपर्छ नि, होइन र ? यही नै आफ्नो कान छाम्ने सूत्र हो । आगे आफ्नै मर्जी !

hAMROPATRO BELOW NEWS
TATA Below
पुस ११, २०८०

नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...

कात्तिक ३०, २०८०

कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...

पुस १९, २०८०

धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

मंसिर ३, २०८०

मखमली फुल्दा, मार्सी धान झुल्दा बहिनी आउने छिन्,​ दैलाको तस्वीर छातीमा टाँसी आँसु बगाउने छिन् .....।  हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...

पुस ४, २०८०

डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x