कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
बैशाख २३, २०७६
जनकपुरधाम- प्रदेश नम्बर दुईमा सयौं कर्मचारी कामविहीन बनेका छन् । मुख्यमन्त्री तथा मन्त्रीपरिषदको कार्यालयमा रहेको ठाडो हाजिरीमा हस्ताक्षर गर्ने र दिनभरी बेकाम बनेर यताउता डुल्न बाध्य छन् ।
संघीय सरकारको सामान्य प्रशासन मन्त्रालयबाट समायोजन भएर प्रदेशमा हाजिर भएका कर्मचारीहरूलाई करीब दुई महिनादेखि पदस्थापन नगर्दा कर्मचारीहरू बेकामे भएका छन् । ‘आयो, हाजिरी गर्यो र त्यसै बेकाम बनेर विभिन्न मन्त्रालयमा गएर टाइम पास गर्नु बाहेक केही पनि गर्न सकेका छैनौं,’ पदस्थापन हुन नसकेका कर्मचारीहरूको गुनासो छ । कामै नगरी त्यसै बस्नु भनेको राज्यको स्रोतको दुरुपयोग पनि भएको उनीहरू आफैं स्वीकार गर्छन् ।
‘हामी त दिनहुँ मुख्यमन्त्री तथा मन्त्रीपरिषदको कार्यालयमा रहेको प्रशासन शाखामा पदस्थापन गरिदिनुस् भनेर भन्ने गरेका छौं,’ ती कर्मचारीहरूले लोकान्तरसँग भने, ‘कामै नगरेर व्यर्थ बस्नु पर्दा हामीलाई पनि खल्लो लागेको छ, तर पदस्थापन नै हुन सकिरहेको छैन ।’ पदस्थापन हुन नसकेका कर्मचारीहरू प्रत्येक दिन मुख्यमन्त्री तथा मन्त्रिपरिषद्को कार्यालयमा रहेको छुट्टै ठाडो हाजिरी पुस्तिकामा हाजिरी गरेर बस्न बाध्य छन् ।
पदस्थापन नहुँदा तलब समेत पाउन नसकेको उनीहरूले गुनासो गरे । भोलि पदस्थापन भएर जाने ठाउँमा हाजिरी भएपछि तत् मन्त्रालय वा कार्यालयबाट मात्र तलब खाने व्यवस्था गरिएकोले उनीहरूले मुख्यमन्त्रीको कार्यालयमा हाजिरी गरे पनि तलब भने खान पाएका छैनन् ।
मुख्यमन्त्री तथा मन्त्रिपरिषद कार्यालयका सूचना अधिकारी पदम प्रसाद पोखरेलका अनुसार सामान्य प्रशासन मन्त्रालयबाट प्रदेश नम्बर दुईमा समायोजन भएर आएका कुल ६६ जना कर्मचारीको पदस्थापन हुन सकेको छैन । ‘प्रदेशको प्रमुख सचिव दिपक जोशी वैशाख ७ गते देखि ३० गते सम्मका लागि विदेश भ्रमणमा अस्ट्रेलिया जानु भएको छ,’ सूचना अधिकारी पोखरेलले भने, ‘निमित्त प्रमुख सचिव कोमल खत्री पनि काठमाडौं बिदामा बस्नु भएकाले पदस्थापन हुन नसकेको हो ।’
आगामी सातामा ती कर्मचारीहरूको पनि पदस्थापनको काम सकिने उनले बताए । यस अघि पनि प्रदेशमा समायोजन भएर आएका २ सय जति कर्मचारीहरूको पदस्थापन भइसकेको उनले जानकारी दिए । संघीय सरकारले हाल सम्म स्वास्थ्य र कृषि अन्तर्गतका कर्मचारीहरु पठाएकै छैनन् भन्दै पोखरेलले थपे, ‘कार्यालय सहयोगी, श्रेणीविहीन हलुका सवारीका चालकहरूको समायोजनको पत्र नै आएको छैन ।’ वन सेवा, इन्जिनीयरिङ सेवा अन्तर्गतका कर्मचारीहरू आएको भएपनि पदस्थापन हुन सकेको छैन ।
दुई नम्बर प्रदेशमा कुल ३ हजार २ सय ८ जना कर्मचारीको दरबन्दी स्वीकृत भएको भए पनि करीब-करीब २ हजारको संख्यामा मात्र कर्मचारीहरू संघीय सरकारले पूर्ति गरेको छ ।
एकातर्फ संघीय सरकारले कर्मचारी समायोजन गरेन भन्दै मुख्यमन्त्री लालबाबु राउत सधैंजसो गुनासो गरिरहेका हुन्छन् भने लोक सेवा आयोगले विज्ञापन निकाल्न खोज्दा ननिकाल्न भन्दै राउतले पत्र पनि लेख्छन् । कर्मचारी अभावमा बजेट रकम खर्च हुन नसक्ने भन्दै मुख्यमन्त्री राउत एकातर्फ गुनासो व्यक्त गरेका हुन्छन् भने अर्को तर्फ समायोजन भएर आएका सयौं कर्मचारीको पदस्थापन समेत गर्न नसक्ने राउतको गुनासो सही नभएको कर्मचारीहरू नै बताउँछन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...