नेपाल वायुसेवा निगम (नेपाल एयरलाइन्स) ले शुक्रबार स्थापनाको ६४औं वार्षिकोत्सव मनाएको छ । केन्द्रीय कार्यालयमा आयोजित वार्षिकोत्सव समारोहलाई सम्वोधन गर्दै  निगमका महाप्रवन्धक वरिष्ठ क्याप्टेन दिपुराज ज्वारचनले निगमका अगाडि प्रसस्त चुनौतीहरु रहेको बताए । । तर सामुहिक प्रयासको माध्यमले सफलतातिर लाग्न सकिने उनले विश्वास व्यक्त गरे । 

उनले नयाँ काम थाल्नेतिर भन्दा पहिलो चरणमा पुराना योजना पुरा गर्ने तिर निगमले प्रयास थालेको भन्दै भविष्यमा निगमका हितमा हुने कार्यनीति र कार्यक्रम थालिने बताए । 
सो अवसरमा संस्कृति, पर्यटन तथा नागरिक उड्डयन मन्त्री जीवनराम श्रेष्ठबाट नयाँ वेवसाइट प्रारम्भ गरिएको निगमले जारी गरेको विज्ञप्तिमा उल्लेख छ ।