प्रहरीले स्थानीय तहमा सुरक्षा दिन सकेको भन्दै निर्वाचन आयोगले आरोप लगाउँदै आएको छ। त्यसको दबाब प्रहरीमा परेको थियो। त्यसकै कारणले प्रहरीले केहीदिन अगाडि बसेको सुरक्षा समितिको बंठकमा २ चरणमा चुनाव गर्नुपर्ने प्रस्ताव गरेको प्रहरी प्रधान कार्यालय स्रोतले लोकान्तरलाई बतायो। 

स्थानीय तहको निर्वाचनमा सुरक्षाको अवस्था

स्थानीय तहको चुनाव भन्दा अगाडि प्रहरीले विप्लवलगायतका राजनीतिक पार्टीहरू मूलधारमा आएका कारणले सुरक्षा चूनौती नभएको बताएको थियो। तर, स्थानीय तहको चुनावमा देशभरमा झडपका घटनाहरू भएका थिए। 

बूढीगंगा नगरपालिकासहित ८२ ठाउँका सुरक्षाका कारणले चुनाव स्थगन भएको थियो। धेरै ठाउँमा निर्वाचन स्थगित भएपछि आयोगले प्रहरीले सुरक्षा दिन नसकेको भन्दै असन्तुष्टि जनाउँदै आएको छ। त्यो समयमा एउटा मतदानस्थलमा ३ जना प्रहरी र ५ जना म्यादी प्रहरीलाई खटाइएको थियो। सुरक्षाको हिसाबले त्यो कम देखिएको गुनासो आएको थियो।

अहिले सरकारलाई निर्वाचन अयोगले एकै चरणमा मंसिर २ गते चुनाव गर्नुपर्ने सुझाव दिएको छ। तर, प्रहरीले भने सुरक्षा व्यवस्थाको दृष्टिले दुई चरणमा निर्वाचन गर्न उपयुक्त हुने सुझाव दिएको छ।