नेकपा माओवादी केन्द्रले आसन्न चुनावका लागि सबै प्रदेशमा समन्वय समिति बनाउने भएको छ ।

बिहीवार पार्टी केन्द्रीय समिति बैठकलाई सम्बोधन गर्दै प्रचण्डले समन्वय समिति बनाउने जानकारी दिए ।

‘निर्वाचनमा राम्रो नतिजा ल्याउनु छ । त्यसका लागि सबै प्रदेशमा समन्वय समिति बनाइनेछ । त्यो समितिले फिल्डमा खटाउने छ, सबै कार्यक्रम बनाउने पनि छ,’ उनले भने, ‘योजना बनाउने र कार्यक्रमहरू बनाउनेतिर हामी केन्द्रित हुन्छौं । कुनै नयाँ संरचना बनाइँदैन । विधानबाहिर गइँदैन । आफैंले बनाएको वैधानिक व्यवस्थालाई टेकेर गरिन्छ । कोही यसमा चिन्तित हुनु पनि पर्दैन । त्यसलाई एउटा नाम दिइनेछ ।’

माओवादी केन्द्रीय समिति बैठक जारी छ ।