दशैंअघि बजारमा मनोमानी, सरकारी अधिकारी भन्छन्– हातखुट्टा बाँधिएका छन् [भिडियो अन्तर्वार्ता]

असोज ९, २०७५

काठमाडौं – नेपालीहरूको महान पर्व दशैं नजिकिँदै गर्दा बजारमा कालोबजारी तथा मनोमानी मूल्यवृद्धि शुरू भएको छ । दशैं र तिहारका लागि किनमेल गर्न बजारमा चहलपहल बढ्न थालेसँगै दैनिक उपभोग्य वस्तुमा जथाभावी मूल्य निर्धारण गरेर मनोमानी देखिन थालेको उपभोक्ताको गुनासो छ । 

सरकारले निरन्तर अनुगमन गरिरहेपनि ठूलाठूला कर्पोरेट हाउसले गर्दै आएको गुणस्तरमा ठगी, भ्रामक प्रचार गरेर अत्यधिक मुनाफा असुल्ने प्रवृत्ति, खाद्यान्न र पेयजन्य पदार्थमा मिसावट तथा नियमभन्दा बढी मुनाफा लिनेलाई हालसम्म कारवाही गर्न नसकेको उपभोक्ता अधिकारवादीहरूको गुनासो छ । 


ADVERTISEMENT

यता सरकार भने नियमित अनुगमन भएपनि कारवाहीका लागि प्रयाप्त कानूनी आधार नभएको बताउँछ । बजार व्यवस्थापनको प्रमुख जिम्मेवार निकाय वाणिज्य, आपूर्ति तथा उपभोक्ता संरक्षण विभागका महानिर्देशक योगेन्द्र गौचनले अनुगमन कर्मकाण्डी मात्रै भएको स्वीकार गरे । उनले भने, ‘हामी काम गरिरहेकै छौं, तर कारवाही गर्न नसक्ने गरी हाम्रा हातखुट्टा बाँधिएका छन् ।’ 

अधिकारकर्मी माधव तिमिल्सिनाले पनि सरकारले एउटा मात्रै निकाय बनाएर अनुगमन र कारवाहीका लागि स्पष्ट कानूनी आधार बनाउनु आवश्यक रहेको सुझाव दिए । 

समग्र बजार व्यवस्थापन र दशैं तिहार बजार व्यवस्थापनका विषयमा मनीषा अवस्थीले विभागका महानिर्देशक गौचन र अधिकारकर्मी तिमिल्सिनासँग कुराकानी गरेकी छन् ।

हेर्नुहोस्, भिडियो अन्तर्वार्ता :

असोज ९, २०७५ मा प्रकाशित

मनीषा अवस्थी

मनीषा अवस्थी लोकान्तर डट् कमका लागि आर्थिक विषयमा कलम चलाउँछिन् । 

लेखकबाट थप...

प्रतिक्रिया दिनुहोस