×

NMB BANK
NIC ASIA

खनालका १० मुक्तक

फागुन २५, २०७५

NTC
Sarbottam
Premier Steels
Marvel

काठमाडौं-  प्रकाश खनालका पेशाले सरकारी शिक्षक हुन् । अर्घाखाँचीका खनाल पछिल्लो समय युवा पुस्तामाझ चिनिएका गजलकार तथा मुक्तककार हुन् । तिनै खनालका १० मुक्तकहरू तल प्रस्तुत गरिएको छ :

Sagarmatha Cement
Muktinath Bank

छैन ओठमा हाँसो पिर भएर हो
मुटुभित्र यादहरू स्थिर भएर हो
कसैगरी तिमीलाई भुल्न नसकेको,
देखिइरहने तिम्रो तस्वीर भएर हो ।


Advertisment
RMC TANSEN
IME BANK INNEWS
shivam ISLAND

थाहा नै नदिई यो काम बारबार भएछ
कसैबाट ममाथि यसरी अत्याचार भएछ
हिजो जो आएर मुटुमा बास गरेको थ्यो,
आज उही मुटु लिएर फरार भएछ ।


Advertisment
Nabil box
Kumari

भोलि बिहानै बजारमा अखबार आउनेछ
खोजेर पढ्नु कतै मेरो अनुहार आउनेछ
कठैबरा उ मरेछ एउटा प्रेमिकाको यादमा
गृहपृष्ठमा मेरो मृत्युको समाचार आउनेछ ।

Vianet communication
Laxmi Bank

न हतियार हो न यसमा धार हुन्छ
तर यसबाट निकै ठूलो प्रहार हुन्छ
याद गर्नुस् यो जिब्रोले दिएको चोट
न निको हुन्छ न कतै उपचार हुन्छ।

लौन मेरो लागि यति बनाइदे विज्ञान
चुक्ता गर्छु भनेजति बनाइदे विज्ञान
कसैगरी सकिएन यी यादहरू भुल्न,
याद भुलाउने ओखति बनाइदे विज्ञान ।

त्यो अन्तिमपल्ट लेखिएको खत हुनेछ
जब खोलेर हेर्छौं छाती भतभत हुनेछ
मेरो सम्पूर्ण वृतान्त लेखेर पठाएको छु
तर अक्षरमा मसी होइन रगत हुनेछ ।

प्रदेशीको खबर कोही लिएर आउनेछ
जब सुन्नेछौ मुटु भक्कानिएर आउनेछ
अलबिदा प्यारी भन्दै रगतले लेखिएको
अन्तिम खत धागोले बाँधिएर आउनेछ ।

आयो यसरी नै निरन्तर बदलामा आयो
नआउनुपर्ने चिज अक्सर बदलामा आयो
यताबाट बारम्बार मैले मुटु पठाइरहेँ
तर उताबाट सधै पत्थर बदलामा आयो ।

डाक्टर भन्छ सम्भवत: यही हुनुपर्छ
म त भन्छु शतप्रतिशत यही हुनुपर्छ
एक्स-रे गर्दा मुटुमा दाग भेटियो
पक्कै मायाले दिएको खत यही हुनुपर्छ ।

हो त्यतिबेला शोकाकूल घडि आउनेछ
एउटा मुर्दा जहाज हुँदै झुपडी आउनेछ।
धनसँगै खुशी लिन गएको तिम्रो मान्छे
कठै खाडीबाट बाकसमा सडि आउनेछ।

hAMROPATRO BELOW NEWS
TATA Below
कात्तिक ८, २०८०

असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...

असोज ३, २०८०

त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...

असोज ६, २०८०

सानीमा भेट्न चितवन गएको थियो गोपाल चार दिन हिँडेर । राप्ती किनार नजिकको सानो गाउँमा बस्दै आएकी थिइन् उनी, जो पहाडमा खान लाउन नपुगेपछि केही वर्ष अघि पुगेकी हुन् त्यतातिर । त्यतिबेला अहिलेजस्तो यातायातको साधन...

असोज ५, २०८०

वरिष्ठ मुटु रोग विशेषज्ञ डा. ओम मूर्ति ‘अनिल’द्वारा लिखित पुस्तक ‘जीवन्त सम्बन्ध’  लोकार्पण गरिएको छ। शुक्रबार राजधानीको बसुन्धरामा एक कार्यक्रमकाबीच लेखक डा. ओम मूर्तिकी आमा राजकुमा...

कात्तिक १३, २०८०

वरिष्ठ पत्रकार तथा साहित्यकार आचार्य कमल रिजालद्वारा लिखित उपन्यास ‘सुकर्म’को अंग्रेजी संस्करण ‘डीप क्वेस्ट' प्रकाशित भएको छ । २०६९ सालमा नेपालीमा प्रकाशित उक्त उपन्यासको अंग्रेजी संस्करणलाई स...

कात्तिक ८, २०८०

पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x