दिल बहादुर थापा

मुग्लानी भएको पनि धेरै वर्ष भैएछ् क्या हो। 

बाध्यताको ताइफुले जीवनका सपनाहरुलाई 

बेजोडले उडाउन खोज्दानी 

आशाको मधुसमा राखेर बचाएको पनि धेरै वर्ष भैएछ क्या हो । 

यो परदेशको भूमिमा सेती नदीझै 

भित्रभित्रै हराएको पनि धेरै वर्ष भैएछ क्या हो । 

सानो छदा धूलो माटोमा घर बनाई खेल्दा

 त्यो तेरो घर 

यो मेरो घर 

भन्दै खेलेको सम्झेए छ क्या हो । 

मेरो भाईले 

बेला बेलामा बोल्न मन लागेर फोन गर्दानी सोध्छ । 

नेपाल कैले आउने हो ?

पासपोट बनाउन जांदा काठमाडौंमा भेटेको 

भेडाच्याँङ्ग्रासंग हिमाली विश्वविद्यालयमा 

खुला शिक्षा पढेका भोटे भाई 

लोक आयोगको म्याराथुनमा 

भाग लिइरहने जनईधारी भाई

नश्लराजधानीले आफ्‌नो नागरिक नसम्झने मधेशी भाई।

 ब्रिटिश आर्मी र इन्डियन आर्मी हुने मनोभुतले 

बिहान चार बजेबाटै गाउँका गोरेटोहरुलाई उठाउने मगर भाई

 हाम्रो पासपोट जन्मेको मिती एउटै हो है।

 हामी हिजोआज परदेश छौं ।

आफ्नो देशबाट धेरै टाढा ।

अनि अलग अलग ।

यी सबै भाईहरुसंग मेरो भातृत्वको साइनो छ। 

त्यसैले म बेला बेलामा

 भाइहरुलाई फेसबुकबाट सम्झन्छु । 

मदिराका चुस्कीसँगै  

भाईहरुले सोधी हाल्छन् । 

नेपाल कैले जाने हो ?

सहरमा कलेज पढ्दा । 

किताबका शब्दभन्दा पनि 

विद्यार्थी संगठनका सङख्या गन्ने हामी । 

प्रशासनको विरोधमा आफैँ पढ्ने कलेजको

 झ्यालका सिसामा ढुङ्गा हान्ने हामी । 

कयौं रात त राजनीतिको कुरा गरेरै बिताथ्यौ हामी। 

सकिन लाको ग्याँसको सिलिन्डर हेदै । 

कुहिएको काउली तरकारीको सुगन्ध लिदै । 

समयले मलाई परदेश हुट्टाएको छ। 

मेरो साथी नेपालतिरै  छ । 

कैले मार्क्सवादको शब्द गन्न खोज्छ । 

कैले पुँजीवादको शब्द गन्न खोज्छ । 

ठूलो भैसीको बथानमा अल्मलिएको बाख्राजस्तै । 

वादको धुलोमा अल्मलिएको छ।

तर पनि मेरो साथीले

हरेक वर्ष

 मेरो जन्म दिनमा सम्झन्छ। 

जन्म दिनको शुभकामनासँगै 

वर्षको एक दिन सोधी रहन्छ। 

नेपाल कैले आउने हो ?

प्रियसी सपनाको भन्दा पनि यादको ठूलो हुदो रहेछ भारी।

 प्रियसी मायाँको भन्दा पनि प्रर्खाइको ठूलो हुदो रहेछ भारी ।

यो दुई हरफको वाक्याशमा 

मैले हाम्रो माया पोखाउन खोजको होइन । 

रक्सी पारेर फालेको माटहरुजस्तै । 

न त आंशुसंगै बगाएको छु। 

न त वैशंका यौवन बेच्ने मन्दिरमा चढाएको छु।  

आफ्नो जीवनबुटी सम्झी मुटुमा राखेको छु। 

त्यसैले मेरो आयुहरु लम्बिएजस्तो लाग्छ। 

म सात समुन्द्र टाढा भए पनि 

तिम्रो बोलीको हावा मसम्म आएजस्तो लाग्छ । 

हर प्रहर ।

तिमीले पनि त पठाउँछौ । 

उल्लिखित शब्दलाई संगीत भरेर । 

गीतमै सोधि रहन्छौँ 

नेपाल कैले आउने हो भनेर ?