कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
काठमाडौं – ‘दाम्मी, वा दाम्मी !’ वसन्तपुरकी नितु महर्जन मीठो लागेर चिच्याउँदै थिइन् । नजिकै रहेका रमेश भण्डारी ‘क्या मीठो! राम्रो ठाउँ बताइदियौ यार,’ भनेर साथी विक्रम महर्जनलाई धन्यवाद दिँदै थिए ।
गोरखाका २६ वर्षीय सागर गुरुङले दुई सातायता काठमाडौंको वसन्तपुरमा चकलेट पानीपुरी बिक्री गर्दै आएका छन् । सम्भवतः नेपालमा चकलेट पानीपुरी बेच्ने सागर पहिलो व्यक्ति हुन् । चकलेट पानीपुरी खान पाएकोमा खुशी व्यक्त गर्दै थिए, नितु र रमेश ।
अष्ट्रेलियामा रहेका एक साथीले आफ्नो फेसबूक वालमा चकलेट पानीपुरीको फोटो राखेपछि उनलाई यसबारे जिज्ञासा लागेको रहेछ ।
नेपालमा पनि सोधखोज गरे । केही पत्ता नलागेपछि यसको रेसिपी थाहा पाउन युट्युबको सहारा लिनुपर्यो । सर्च गरे– ‘हाउ टु मेक चकलेट पानीपुरी ?’ खोजे अनुसारकै भिडियो युट्युबमा भेटियो ।
युट्युबबाटै तरिका सिके । त्यसपछि उनले सबैभन्दा पहिला विदेशी पर्यटकलाई लक्षित गरी ठमेलमा पसल खोले । उनको प्राथमिकतामा नेपाली भन्दा विदेशी पर्यटक नै थिए ।
ठमेलमा सोचे अनुसारको व्यापार भएन । त्यसपछि उनले सधैँ भीडभाड हुने वसन्तपुर क्षेत्रमा पसल खोल्ने निधो गरे ।
वसन्तपुरमा सानो सटर त पाए, तर भाडा भने निकै महङ्गो । महिनाको ४० हजार भाडा तिर्ने गरी पसल शुरू गरे । हाल दैनिक सरदर १५० वटा चकलेट पानीपुरी बेच्ने गरेको उनी बताउँछन् ।
‘भर्खर नयाँ लोकेसन हो । धेरैलाई थाहा पनि छैन । बिस्तारै आउँदै हुनुहुन्छ,’ सागरले आशा व्यक्त गरे ।
विदेश जानुभन्दा आफ्नै देशमा सानोतिनो व्यापार गरेर पनि आम्दानी गर्न सकिने उनको विश्वास छ ।
यसकै कमाइबाट बुवाआमा, दाजुभाइ तथा दिदीहरू सहित ७ जनाको परिवार पाल्दै आएको सागर बताउँछन् ।
खानेहरू पनि खुशी
बाफलका रमेश भण्डारी ६ जना साथी लिएर लोकेसन खोज्दै आएका रहेछन् । ‘विक्रम महर्जनले मैले चकलेट पानीपुरी खाएँ, तिमीहरू पनि खाने भए जाउँ भनेपछि आफूलाई रोक्न सकिनँ, साथीहरूलाई लिएर आएँ,’ भण्डारीले सुनाए ।
वसन्तपुरकी नितु महर्जन साथीहरूले इन्स्टाग्राममा फोटो राखेको देखेर आएकी रहिछन् । ‘चकलेट पानीपुरी यम्मी! भनेर साथीहरूले इस्टाग्राममा राखेका रहेछन् । आफ्नो घरनजिकै रहेको थाहा पाएपछि ठाउँ पत्ता लगाएर आएको नि,’ नितुले लोकान्तरसँग भनिन् ।
चकलेट पानीपुरी खाँदै गरेको भेटिएका हरि सापकोटा भने नियमित आउँदा रहेछन् । आफूले जर्मन साथीबाट यसबारे थाहा पाएको उनले बताए ।
‘हवर्ड फ्र्याङ्क नाम गरेको साथीले ठमेलमा चकलेट पानीपुरी पाइन्छ भन्दा मलाई अचम्म लाग्यो अनि खान गएको थिएँ । अहिले नियमित ग्राहक हुँ,’ सपाकेटाले भने ।
कसरी बन्छ चकलेट पानीपुरी ?
चकलेट पानीपुरीमा धेरै मात्रामा चकलेट तथा आइसक्रिमको प्रयोग गरिन्छ । ‘सामान्य पानीपुरीमा जस्तै भेराइटीहरू राख्नुपर्छ, फरक यत्ति हो, यसमा चकलेट र क्रिमको प्रयोग गरिन्छ,’ सागरले भने ।
सर्वप्रथम सामान्य पानीपुरीको पुरीमा चकलेट पगालेर जलप लगाइन्छ अनि आइसक्रिम, चकलेट र केकमा प्रयोग गर्ने क्रिम पुरीभित्र राखिन्छ । त्यसपछि सामान्य पानीपुरीको पानी राख्ने ठाउँमा मिल्कसेक, चोको चिप्सहरू राखेर एकैचोटी सबै मुखमा राखेर खान मिल्ने बनाइन्छ ।
महिनामा सरदर १ लाख ५० हजारको व्यापार हुने गरेको सागर बताउँछन् । सबै खर्च कटाएर ५० हजार जति बच्ने उनको भनाइ छ ।
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...