युक्रेनका नयाँ राष्ट्रपतिले गरे मध्यावधि निर्वाचनको घोषणा

जेठ ७, २०७६

काठमाडौं – युक्रेनका नयाँ राष्ट्रपति भोलोदिमिर जेलेन्स्कीले सोमवार आफ्नो शपथग्रहण भाषणमा मध्यावधि संसदीय चुनावको घोषणा गरेका छन् ।

उनको प्राथमिकता देशको पूर्वी भागमा रुस समर्थित पृथकतावादीसँगको संघर्ष अन्त्य गर्नु रहेको उनले बताए । जेलेन्स्कीले सोभियत कालपछिको युक्रेनका सबभन्दा युवा राष्ट्रपतिका रूपमा शपथ लिए । 


ADVERTISEMENT

उनले एक महिनाअघि पेत्रो पोरोशेन्कोलाई हराएका थिए । जेलेन्स्की राजनीतिमा आउनुअघि हास्यकलाकार थिए । 

शपथग्रहणको सम्बोधनका क्रममा उनले समयअगावै चुनाव गराउनका लागि संसद् भंग गर्ने घोषणा गरे । 

प्रधानमन्त्री भोलोदिमिर ग्रायसम्यानले जेलेन्स्कीसँगको मतभेदका कारण राजीनामा दिएका छन् ।

एजेन्सी
 

जेठ ७, २०७६ मा प्रकाशित

प्रतिक्रिया दिनुहोस