काठमाडौं- नेत्रविक्रम चन्द 'विप्लव' समूहको बन्दका कारण राजधानी लगायत देशभरको जनजीवन प्रभावित बनेको छ । 

बन्दका कारण सडकमा कमै मात्रामा सवारी साधनहरू चलेका छन् । 

आइतवार दिउँसो राजधानीको घट्टेकुलो र सुकेधारामा बम विस्फोटमा परी चार जनाले ज्यान गुमाए । उक्त घटना विप्लव समूहले गराएको प्रहरीले जनाएको छ । 

सोमवार राजधानी तथा देशका विभिन्न स्थानमा बमहरू भेटिएको छ । जसकारण मानिसहरू त्रसित बनेका छन् । 

राजधानीमा बन्दको प्रभाव परेको देखिन्छ । शैक्षिक संस्था, पसलहरू आंशिक रूपमा खुलेका छन् । 

राजधानीका चोक तथा सडकहरूमा प्रहरी परिचालन गरिएको छ ।