काठमाडौं – बेलायतमा मुसाहरूका लागि सानो गाउँ बनाइएको छ । 

वन्यजन्तुहरूको तस्वीर खिच्ने साइमन डेलले आफ्नो बगैंचामा मुसाहरूका लागि सानो गाउँ बनाएका हुन् । 

गाउँमा मुसाहरूका लागि ससाना घर बनाइएको छ । काठ, ढुंगा र फूले यी घर बनाइएका हुन् । घरमा मुसाको सुखसुविधाको पूर्ण बन्दोबस्त गरिएको छ । मुसाहरूका लाथि डाइनिङ टेबल र खानेकुराको उत्तम व्यवस्था छ । 

काठले बनेका घरको छतमा घाँसपराल राखिएको छ । 

घरबाहिर काठले बनेको सानो टेबलमाथि ससाना भाँडाकुँडा पनि राखिएका छन् । कुर्सीहरू पनि राखिएका छन् । 

डेलले बगैंचा सफा गर्दा थुप्रै मुसाहरू देखेको र उनीहरूलाई बिरालोबाट निकै खतरा रहेको अनुभव गरे । 

त्यसपछि उनले मुसाको हित गर्ने कदम चाले । बिरालोहरूबाट सुरक्षा दिन उनले एउटा बाकस ल्याएर माटोमा गाडे अनि त्यसैलाई घरको स्वरूप दिए । मुसाहरूलाई ढोकाका रूपमा ससाना प्वाल उनले बनाए । 

एउटा मुसालाई उनले जर्ज नाम दिए र घरमा बसाए । जर्जकी मुसी गर्भवती थिई र उसले थुप्रै सन्तान जन्माई । अनि डेलले मुसाहरूका लागि फरक फरक घर बनाए । मुसाहरूको एउटा सानो गाउँ नै तयार भयो ।

एजेन्सी