डम्बर अधिकारी 
 

दमौली । हिमाली जिल्ला मनाङमा तीन दिन अगाडिदेखि परेको अविरल बर्षाका कारण  विभिन्न स्थामा बाढी पहिरो गएको छ ।

बाढी पहिरोका कारण लम्जुङदेखि चामे सम्मको सडक अवरुद्ध हुन पुगेको छ ।

 त्यस्तै सडक अवरुद्ध हुन पुग्दा बाढी पहिरोका कारण मनाङ घुम्न गएका आन्तरिक तथा बाह्य पर्यटकहरु बाटोमा नै अलपत्र परेका छन् । मनाङ स्थित घरेलु कार्यालय मनाङका प्रमुख प्रदीप न्यौपानेका अनुसार बाढी पहिरोले जनजीवन नराम्ररी प्रभावित बन्न पुगेको छ ।

 बाढी पहिरोले सडक र पुल नराम्ररी क्षतिग्रस्त हुन पुगेका छन् । प्रमुख न्यौपाने सडक बगाएका कारण स्थानीय तथा पर्यटकहरुका लागि खाद्यन्न र औषधी उपचारमा समस्या पर्ने सम्भावना बढ्दै गएको छ ।खासगरी पहिरोले म्यार्दी खोलाको पुल बगाएसगै मनाङ संगको सम्पर्क टुट्न पुगेको समेत घरेलु कार्यालयका प्रमुख न्यौपानेले बताए । 

मनाङको बाढी पहिरोलाई लक्षित गरी सरकारले तत्काल उद्धार कार्यमा तत्परता देखाउने पर्ने स्थानीयको भनाई रहेको छ ।