काठमाडौं–११ वर्षीय समीर लुङवा ललितपुरको बागमती गाउँपालिका २ माल्टास्थित कालिकादेवी माविमा कक्षा ५ मा पढ्थे । शनिबार राति बुबाआमा धरमा नभएको मौका छोपेर उनले आफैंलाई सिध्याए । यो खबर आजको कान्तिपुर दैनिकमा छापिएको छ।   

अभिभावकहरू राति साढे ९ बजेतिर घर फर्किंदा समीर दलिनमा पासो लगाएर झुन्डिएको अवस्थामा फेला परे । प्रहरीले उनको साथबाट सुसाइड नोट फेला पार्‍यो । जसमा लेखिएको थियो, ‘म धेरै दुःखमा छु, मलाई कसैले माया गर्दैनन् ।’

महानगरीय प्रहरी वृत्त चापागाउँका डीएसपी राजकुमार छिउजुका अनुसार सुसाइड नोटमा केही कारण लेखिएको देखिन्छ । नोटमा बालक समीरले घरमा दाइ–भाउजूले हेला गर्ने र स्कुलमा सर–मिसहरूले आफ्नो कुरा नबुझ्ने उल्लेख गरेका छन् ।