काठमाडौं – संखुवासभामा विप्लव नेकपाका १ जना कार्यकर्ता अत्याधुनिक हतियारसहित पक्राउ परेका छन् ।

विप्लव नेकपाका जिल्ला स्तरीय कार्यकर्ता निम दोर्जे तामाङ पक्राउ परेका प्रहरी महानिरीक्षकको सचिवालयका प्रहरी उपरीक्षक (एसपी) रमेश थापाले लोकान्तरलाई बताए ।

निम दोर्जेको साथबाट १ सय १० राउन्ड लाइभ गोलीसहित अत्याधुनिक हतियार एसएलआर एउटा र एलएमजी र त्यसको म्यागजिन बरामद गरिएको उनले बताए । सर्चमा गएको प्रहरी टोलीले लुकेर बसेको अवस्थामा उनलाई पक्राउ गरेको हो ।

उनको साथबाट अन्य बन्दुकका खाली खोका १३ थान, मोबाइल लगायतका सामान बरामद गरिएको प्रहरीले जनाएको छ ।