काठमाडौँ - बाढीका कारण नेपाल मात्र नभएर छिमेकी देश भारत र पाकिस्तान पनि प्रभावित छन् । पाकिस्तानबाट बाढीले बगाएर ल्याएको एक पाकिस्तानी ७ वर्षे बालकको शव भारतीय सेनाले फिर्ता गरेको छ । उत्तरी काश्मिरको गुरेज घांटीको किशनगङ्गा नदीमा मंगलवार भारतीयहरूले नदीमा एक शव देखे । शव देखेलगत्तै भारतीय सेनालाई खबर गरियो ।

शव देखिएको केही घण्टामै पाकिस्तान नियन्त्रित कश्मिरको गिल्गिटको अस्तुर गाउँका एक पाकिस्तानी अधिकृतले एक बच्चा हराएको भन्दै फेसबुकमा पोस्ट गरे । उनले पोस्ट गरेको तस्वीर र भारतीय इलाकामा भेटिएको बालकको तस्वीर मिल्दोजुल्दो थियो । पीडित परिवारले एक भिडियोमार्फत यदि आफ्नो बच्चा भारत नियन्त्रित क्षेत्रमा पुगेको भए फिर्ता गरिदिने आग्रहका साथ अपिल पनि गरेका थिए ।

भारतीय सञ्चारमाध्यम 'इन्डियन एक्सप्रेस'का अनुसार जब पाकिस्तानी बच्चाको शव भेटिएको सूचना सेनालाई पुग्यो तब बिहीवार भारतीय सेनाले ७ वर्षे बच्चाको उक्त शवलाई पाकिस्तानलाई हस्तान्तरण गरे ।

In accordance to #IndianArmy ethos & as a #Humanitarian gesture Indian Army handed over mortal remains of seven year old Abid Ahmad Sheikh,who belongs to Minimarg, Gilgit to Pakistan authorities. #Humanity #OurMoralOurValues #IndianArmy. Read full story..https://t.co/d9KwgBzVY4 pic.twitter.com/SyyjCP1wAp

— ADG PI - INDIAN ARMY (@adgpi) July 11, 2019