मजार–ए–शरिफ– उत्तरी अफगानिस्तानको बाल्ख प्रान्तमा बारुदी सुरुङ बिस्फोट हुँदा दुई बालबालिकाको ज्यान गएको सैनिक स्रोतले जनाएको छ ।

सेनाका प्रवक्ता हनिफ रेजाईले चहर बोलाक जिल्लाको खानाबादमा बेवारिसे बारुदी सुरुङ छुनेक्रममा विस्फोट हुँदा दुवै बालबालिकाको मृत्यु भएको जानकारी दिए । 

सेनाले उक्त बारुदी सुरुङ शान्तिका दुश्मन तालिवान विद्रोहीले बिछ्याएको पनि दाबी गरेको छ । 

तालिवान विद्रोहीहरूले सुरक्षा फौजलाई लक्षित गरी सडकहरुमा बम र बारुदी सुरुङ बिछ्याउने गरेका छन् । यस्ता बेवारिसे बारुदी सुरुङमा परेर बर्सेनि धेरै अबोध बालबालिकाको ज्यान जाने गरेको छ ।