काठमाडौँ। नेपालको तराई भेगमा बाढी, डुबान र पहाडमा पहिरोले यतिबेला जनजीवन अस्तव्यस्त छ । मानिससँगै तराईमा यतिबेला विषालु सर्प पनि ज्यान जोगाउन ओभानो ठाउँ खोजिरहेका सप्तरी तिलाठीका रामनारायण देव बताउँछन् । 
सर्पले मानिसलाई डस्ने क्रम तराईको डुबानग्रस्त क्षेत्रमा बढेको छ । सर्पको आहारा मानिस होइन तर सर्पका आहरा र बासस्थान मानिसको बासस्थान वरपर नै हुन्छ । यसले मानिसको बस्तीमा सर्पको पहुँच हुन्छ । विपद्का बेला अत्तालिएको सर्पले आफ्नो ज्यान जोगाउन मानिसलाई डस्ने क्रम बढी हुने भएकाले सचेत भएर जोगिनुपर्ने विज्ञहरूको सुझाव छ । 
आजको गोरखापत्र दैनिक लेख्छ–सर्पदंश विषयमा विद्यावारिधि गरेका सर्पविज्ञ देव पाण्डेका अनुसरा जमिनमा बस्ने सर्पले ओभानो ठाउँ मन पराउँछन् । “पानीमा बस्ने भए पनि श्वासप्रश्वास र आनन्दका लागि जमिनमा उत्रने गर्छन्,” उनले भजे, “बाढीका बेला सर्प ज्यान जोगाउनकै लागि न्यानो क्षेत्रको बढी खोजी गर्छन् । ” 

असार साउनमा महिना अत्यधिक सर्पको बिगबिगी हुने महिना हो । नेपालमा ९० प्रजातिका सर्प पाइन्छ । 
 नेपालमा पाइनेमध्ये १८ प्रजातिको सर्प अत्यधिक विषालु रहेको पाण्डेले बताए। “सबैभन्दा विषालु सर्प गोमन र करेत हो,” उनले भने “गोमनभित्र गोमन र राजगोमन दुई जाति छन् । ”