व्यवसायिक पत्रिका 'इन्सेप्सन'को उद्घाटन

साउन २०, २०७६

काठमाडौं – व्यवसायिक पत्रिका 'इन्सेप्सन'को एक समारोहका बीच उद्घाटन भएको छ ।

बुधवार राजधानीको रोयल इम्पायर बुटिक होटलमा डि.ए.भी. कलेजका विधार्थीहरुले 'इन्सेप्सन' व्यवसायिक  पत्रिकाको भव्य समारोहका बीच प्रक्षेपण गरेका हुन् ।


ADVERTISEMENT

समारोहमा प्रमुख अतिथि त्रिभुवन विश्वविद्यालयका व्यवस्थापन संकायका सहायक डीन दिनेशमणि घिमिरे, फेस अफ इन्सेप्सनका रूपमा एम एस होल्डिङका प्रमुख कार्यकारी अधिकृत सम्भव स्व सिरोहियाका साथै डि.ए.भी. कलेजका अध्यक्ष अनिल केडिया र लुइस बेर्जरका वरिष्ठ उपाध्यक्ष बलजीत वोहराद्वारा पत्रिका अनावरण गरिएको थियो ।

उक्त कार्यक्रममा 'इन्सेप्सन' पत्रिकाका प्रबन्ध निर्देशक सग्मा मर्हजन, प्रमुख कार्यकारी अधिकृत रोहन मर्हजनले आफ्नो अनुभव सुनाएका थिए ।

सम्पादक प्रमुख सुप्रभा शाक्य र प्रिया सुनुवारले 'इन्सेप्सन' एउटा सम्पूर्ण व्यवसायसम्बन्धित पत्रिका भएको जनाए । इन्सेप्सन पत्रिकामा व्यवसाय, कारोबार,कर्पोरेट, शुरुवात, ट्राभल, जीवनशैलीसँग सम्बन्धित रचना तथा लेखहरु पाउन सकिने बताइएको छ ।

 

 

 

 

 

साउन २०, २०७६ मा प्रकाशित

प्रतिक्रिया दिनुहोस