'मिसन मंगल' फिल्म समीक्षा : सपना हुन्छन् साकार

साउन ३०, २०७६

काठमाडौं – इन्डियन स्पेस रिसर्च अर्गनाइजेसन (इसरो) का वैज्ञानिकहरूले मंगलयान मिसनको आरम्भ गरेर एउटा सपना देखेका थिए । फिल्म मिसन मंगल तिनै सपना साँचो भएको कथा हो । 

फिल्मको शुरूआत हुन्छ सन् २०१० मा । इसरोका राकेश (अक्षय कुमार) को नेतृत्वमा जीएसएलभी फ्याट बोय रकेटलाई अन्तरिक्षमा पठाउने तयारी भइरहेको छ । अन्तरिक्षयानमा गडबडी आएका कारण मिसन बीचैमा रोक्नुपर्ने हुन्छ र मिसन फेल हुन्छ । 


ADVERTISEMENT

मिसनमा प्रोजेक्ट निर्देशक तारा (विद्या बालन) को नजर हुन्छ र उनकै गल्तीका कारण मिसन फेल भएको हुन्छ । तर राकेशले यसको दोष आफूमाथि लिन्छन् । उनलाई सजायका रूपमा मंगल मिसनमा काम गर्न लगाइन्छ । 

मंगलयान मिसनको डिपार्टमेन्टमा गएर राकेशलाई थाहा हुन्छ– त्यहाँ कुनै वैज्ञानिक पनि छैनन् अनि मिसनबाट कसैलाई केही आशा पनि छैन । ताराले उनलाई मंगल ग्रहमा मानिस पुग्न सक्ने विश्वास दिलाउँछिन् । त्यसपति मंगल मिसनको यात्रा शुरू हुन्छ । 

फिल्मको स्टारकास्ट बलियो छ । अक्षय कुमार अब्सेसिभ टीम लीडर हुन् भने तापसी पन्नु, सोनाक्षी सिन्हा, नित्या मेनन, कीर्ति कुल्हारी, शरमन जोशी र एचजी दत्तात्रेय टीमका अन्य सदस्य हुन्छन् । विद्या बालले टीमलाई एकजुट राख्छिन् । उनले सबैलाई लाइनमा ल्याउँछिन् । 

अक्षय कुमारको काम गजबको छ । तर विद्या बालनले उनलाई धेरै ठाउँमा पछि पारेकी छन् । विद्याको काम र उनका संवाद दर्शकको दिमागमा बस्न पुग्छ । अन्य कलाकारले पनि राम्रो काम देखाएका छन् ।

निर्देशक जगन शक्तिको काम उत्कृष्ट नभएपनि राम्रो चाहिँ छ । उनले विज्ञान, प्रविधि र अन्तरिक्षका कुरालाई सरल भाषामा दर्शकलाई पस्केका छन् । फिल्ममा भावुक पलहरू पनि छन् र क्लाइमेक्समा दर्शकहरू डुब्ने देखिन्छ । 
फिल्ममा दुईवटा गीत छन् दुवै राम्रा छन् । सम्पादन, छायांकन र ग्राफिक्स राम्रा छन् । 

फिल्म अलिक स्लो हुनु चाहिँ कमजोरी हो । पहिलो हाफ त एकदमै स्लो छ तर सेकेन्ड हाफमा गपत बढ्छ र राम्रो लाग्छ । फिल्ममा भएका जोक चाहिँ अझै राम्रो हुनुपर्थ्यो । फिल्म हेर्न नै सिफारिश गरिन्छ ।

एजेन्सी

साउन ३०, २०७६ मा प्रकाशित

प्रतिक्रिया दिनुहोस

ताजा समाचार