नाडा अटोशोमा बैंकहरु, विद्युतीय सवारीमा अधिकांशको व्याजदर सस्तो

भदौ ११, २०७६

काठमाडौं– नाडा अटोशो २०१९मा बैंक तथा वित्तीय संस्थाहरुले पनि स्टल (प्रदर्शनी कक्ष) राखेका छन् । मंगलवार देखि शुरु भएको नाडा अटो शो २०१९मा विभिन्न १२ वटा बैंकहरुले आ–आफ्ना स्टल राखेका छन् ।

ती बैंकहरुले विद्युतीय सवारी र इन्धनबाट चल्ने सवारीमा फरक फरक व्याजदर निर्धारण गरेको जानकारी दिइरहेका छन् । नाडा अटोशोमा साना ठुला गरी १ सय ६० वटा स्टल रहेका छन् । त्यसमध्ये १२ वटा बैंक र एउटा इन्सुरेन्स कम्पनीका स्टल रहेका छन् ।


ADVERTISEMENT

बैंकहरुले सवारी खरिद कर्जामा दिइने ब्याजदर एवंम कर्जाको अवधिका बारेमा जानकारी गराइरहेका छन् ।

नाडा अटोशोमा स्टल राख्ने बैंकहरुमा लक्ष्मी बैंक, एभरेष्ट बैंक, सिभिल बैंक, एनआइसी एशिया बैंकहरु रहेका छन् ।

त्यस्तै नविल बैंक, सानीमा बैंक, ग्लोबल र जनता बैंक, बैंक अफ काठमाण्डौं, सांग्रीला डेभलपमेन्ट बैंक,  स्टान्डर्ड चार्टर्ड बैंक र माछापुच्छ«े बैंकहरु रहेका छन् । ती बैंकहरुले फरक फरक दरमा सेवा शुल्कसहीत व्याजदर र तिर्नु पर्ने समयको बारेमा जानकारी गराइरहेका छन् ।

सिभिल बैंकको व्याजदर कति?

सिभिल बैंकले ७ वर्ष देखि  १० वर्षका सम्मका लागि ११ दशमलव ११ प्रतिशत ब्याजदरमा कर्जा उपलब्ध गराउने जानकारी दिएको छ । 

एनआइसी एसिया

एनआइसी एसिया बैंकले ९ दशमलव ५ प्रतिशत ब्याजदरमा कर्जा उपलब्ध गराउने जानकारी दिएको छ ।

नबिल बैंक

कर्जाको अवधि ७ वर्ष कायम गरेको नबिल बैंकले पनि इन्धनयुक्त सवारी साधन र विद्युतीय सवारीका लागि छुट्टा छुट्टै व्याजदर निर्धारण गरेको छ । इन्धनयुक्त सवारी साधन खरिदमा १० दशमलव ५९ प्रतिशत र विद्युतीय सवारी खरिदमा ९ दशमलव ५९ प्रतिशत ब्याजदरमा कर्जा उपलब्ध गराउने नविल बैंकले जानकारी दिएको छ ।

ग्लोबल र जनता बैंक

ग्लोबल आइएमई बैंक र जनता बैंकले ७ वर्षका लागि ९ दशमलव ९९ प्रतिशत व्याजदरमा कर्जा उपलब्ध गराउने भएका छन् । 

लक्ष्मी बैंक

लक्ष्मी बैंकले विद्युीय सवारी साधन र पेट्रोलियम पदार्थबाट चल्ने सवारी खरिदका लागि दिने कर्जामा फरक फरक दर तोकेको छ । लक्ष्मी बैंकले विदुतीय सवारी खरिदका लागि साढे १० प्रतिशत व्याजदरका कर्जा दिने र पेट्रोलियम पदार्थबाट चल्ने सवारीमा साढे ११ प्रतिशत ब्याजदरमा कर्जा उपलब्ध गराउने जानकारी गराइरहेको छ । त्यस्तै पेट्रोलियम सवारीका लागि कर्जाको अवधि ९ वर्ष र विद्युतीय सवारी खरिदका लागि लिइने कर्जाको अवधि ८ वर्षको रहेको जानकारी दिएको छ ।

एभरेष्ट बैंक

एभरेष्ट बैंकले कर्जाको अवधिको आधारमा व्याजदर तोकेको छ । ५ वर्षका लागि कर्जाको अवधि भएमा ९ दशमलव ६६ प्रतिशत व्याजदर र ७ वर्षका लागि १० दशमलव१८ प्रतिशत ब्याजदर रहेको बैंकले जानकारी दिएको छ ।

बैंक अफ काठमाण्डौं 

बैंक अफ काठमाण्डौंले १० दशमलव ४ प्रतिशत व्याजदरमा कर्जा उपलब्ध गराउने जानकारी दिएको छ ।

सांग्रिला डेभलपमेन्ट बैंक 

सांग्रिला डेभलपमेन्ट बैंकले ११ दशमलव ६६ प्रतिशत ब्याजदरमा सवारी साधनका लागि कर्जा दिने बताएको छ । उक्त बैंकले कर्जाको अवधि इन्धनबाट चल्ने सवारी साधन र विद्युतीय सवारी खरिदमा छुट्टा छुट्टै राखेको छ ।

सानिमा बैंक

सानिमा बैंकले नाडा अटो शोका लागि भनेर १० दशमलव ४९ प्रतिशत ब्याजदरमा कर्जा उपलब्ध गराउने जानकारी दिएको छ ।  सानीमा बैंकको कर्जा अवधि १० वर्ष रहेको बैंकले जानकारी दिएको छ । नाडा अटोशोमा स्टल राखेका स्टान्डर्ड चार्टर्ड बैंकले ९ दशमलव ९९ प्रतिशत, माछापुच्छे बैंकले १० दशमलव ९९ प्रतिशत व्याजदरमा कर्जा उपलब्ध गराउने जानकारी दिएके छ ।

भदौ ११, २०७६ मा प्रकाशित

प्रतिक्रिया दिनुहोस