एनआईसी एशिया बैंकको ‘सुपर चामत्कारिक योजना’

भदौ १६, २०७६

बुटवल – एनआईसी एशिया बैंकले स्थापनाको २२ औं वर्ष प्रवेशको अवसरमा नयाँ निक्षेप योजना सार्वजनिक गरेको छ ।

यसभन्दा पहिला चामत्कारिक योजना शुरू गरेको बैंकले थप ३० वटा सुविधासहितको ‘सुपर चामत्कारिक निक्षेप योजना’ शुरूवात गरेको हो ।


ADVERTISEMENT

बैंकको प्रदेश नम्बर ५ प्रादेशिक कार्यालय बुटवलमा पत्रकार सम्मेलन आयोजना गरी प्रादेशिक प्रमुख तिलकसुन्दर कार्कीले योजनाको विषयमा जानकारी गराएका छन् ।

‘बैंक पनि साथी पनि राम्रो पनि हाम्रो पनि’ भन्ने मूल नाराका साथ बैंकिङ सेवा प्रदान गर्दै आएको एनआईसी एशिया बैंकले आफ्नो २२ औं वार्षिकोत्सवको अवसरमा नयाँ चामत्कारिक बचत निक्षेप योजना सार्वजनिक गरेको उनले बताए ।

उपयुक्त सुपर चमत्कारी बचत खाता, सुपर चमत्कारी नारी बचत खाता, सुपर चामत्कारिक ज्येष्ठ नागरिक बचत खाता ल्याइएको बैंकका प्रदेश ५ प्रमुख कार्कीको बताए । नयाँ सुपर चामत्कारिक निक्षेप योजनामा ग्राहकले आफू तथा आफ्नो परिवारको सुरक्षार्थ १ करोड ३१ लाख ५० हजार रुपैयाँसम्मको बीमा सुविधा प्राप्त गर्न सक्ने छन् ।

जसअन्तर्गत परिवारका सम्पूर्ण सदस्यले दुर्घटनाबाट मृत्यु वा पूर्ण अशक्तताका लागि १ करोड रुपैयाँसम्मको बीमा सुविधा, दम्पतीको लागि २५ घातक रोगको लागि ३० लाख रुपैयाँसम्मको बीमा सुविधा, परिवारका लागि १ लाख ५० हजार रुपैयाँसम्मको औषधी उपचार बिमा सुविधासमेत प्राप्त गर्न सक्ने बैंकले जनाएको छ ।

सुपर चामत्कारिक बचत योजनाअन्तर्गत बैंकका ग्राहकले देशभरका कुनै पनि बैंकको कुनै पनि एटीएमबाट निःशुल्क रुपमा रकम निकाल्न सक्ने छन् । कर्जामा समेत विशेष छूटका साथै घरमै बैंकिङ सुविधा प्राप्त गर्न सक्ने, निःशुल्क डिम्याट खाता खोल्ने, निःशुल्क ई–कमर्श एक्टिभेसन, निःशुल्क लकर सुविधा, अनलाइन मुद्दती खाताको सुविधा, निःशुल्क क्रेडिट कार्डको सुविधा योजनाले समेटेको बैंकले जनाएको छ ।

यसैगरी बाबुनानी बचत खाता, विद्यार्थी बचत खाता, स्वरोजगार बचत खाता, वैदेशिक रोजगार खाता, उद्यमशील खाता, तलब खाताको सुविधा लगायतले आम जनमानसको बचत गर्ने बानीलाई थप प्रोत्साहन गर्ने र बचतको उचित प्रतिफल प्राप्त गर्न सक्ने बताइएको छ ।

बैंकले सार्वजनिक गरेको निक्षेप योजनामा उल्लेखित सुविधाको अतिरिक्त पृथक स्वीप इन–स्वीप आउटको सुविधाबाट बचत खातामा मुद्धति खाताकै सुविधा पाइने छ । सुपर चामत्कारिक बचत योजनाले मुलुकका सबै क्षेत्र, भेग, तह र तप्कालाई फाइदा पुग्ने बैंकले जनाएको छ ।

बैंकका देशभर २ सय ९७ वटा शाखा कार्यालय, ३ सय ४६ वटा एटीएम, ५८ वटा एक्सटेन्सन काउन्टर र ४१ वटा शाखारहित बैंकिङ कार्यालय रहेका छन् । एनआईसी एशिया बैंकका १८ लाख ग्राहक छन् । बैंकले ३ अर्ब १५ करोडभन्दा बढी राजस्जसमेत सरकारलाई बुझाएको छ ।

भदौ १६, २०७६ मा प्रकाशित

प्रकाश आचार्य

प्रकाश आचार्य लोकान्तरका लागि ५ नम्बर प्रदेशका प्रतिनिधि हुन् ।

लेखकबाट थप...

प्रतिक्रिया दिनुहोस

ताजा समाचार