७ जना अपरहणकारी काठमाडौंको छाउनीबाट पक्राउ

भदौ २३, २०७६

काठमाडौं–१ जना महिलालाई अपहरण गरेर बन्दक बनाएको आरोपमा प्रहरीले ७ जनालाई प्रहरीले पक्राउ गरेको छ ।

काठमाडौं तार्केश्वर नगरपालिका–५ फुटुङ बस्ने नुवाकोट दुप्चेश्वर गाउँपालिका–१ घर भएका २३ वर्षीय पेम्बा तामाङलाई अपहरण गरी बन्धक बनाएको अभियोगमा ७ जनालाई शनिबार प्रहरीले पक्राउ गरेको हो ।


ADVERTISEMENT

पक्राउ पर्नेहरुमा काठमाडौं ईचंगु बस्ने सिन्धुली घ्याङ्ले गाउँपालिका–२ का ४२ वर्षीय पूर्णबहादुर वाईवा, काठमाडौं महानगरपालिका–१३ बाफल बस्ने ५३ वर्षीय राजु खड्गी, काठमाडौं कलंकी बस्ने रसुवा गोसाईकुण्ड गाउँपालिका–९ का ४१ वषका पाल्साङ तामाङ, काठमाडौं जमल बस्ने  रामेछाप दोरम्बा गाउँपालिका–७ का ३२ वर्षीय लिला थापा मगर, भक्तपुर सूर्यविनायक बस्ने रामेछाप दोरम्बा गाउँपालिका–७ का ३१ वर्षीय शिवराम थापा मगर, काठमाडौं टोखा बस्ने सुनसरी महेन्द्रनगर नगरपालिका–७ का ३९ वर्षीय राजेश गुरुङ र रसुवा थुमान गाउँपालिका–९ का ३५ वर्षीय जिस घले रहेका प्रहरीले जनाएको छ ।

काठमाडौं महानगरपालिका–१४ कलंकी मकालु पेट्रोल पम्पको नजिकबाट शनिबार बिहान पेम्बा तामाङलाई अपरहण गरेका थिए ।

महानगरपालिका–१५ छाउनीस्थित ३३ वर्षीय अर्जुन लामाको घरमा अपहरित पेम्बालाई प्रहरीले उद्धार गरेको थियो ।

अपहरित पेम्बा तामाङ पनि ठगी गरेको बुझिन आएको हुँदा निजलाई ठगी मुद्धा तथा अन्य ७ जनालाई अपहरण तथा शरिर बन्धक मुद्धामा थप अनुसन्धान भइरहेको महानगरीय प्रहरी वृत्त कालिमाटीले जनाएको छ ।

 

भदौ २३, २०७६ मा प्रकाशित

प्रतिक्रिया दिनुहोस