कात्तिक २१, २०८०
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौं – ‘नमस्कार मलाई नछुनुहोस्, अहिले म सानै छु । पछि तपाईंलाई धेरै थोक दिनेछु, मलाई पानी दिनुहोस्, म तपाईंलाई जीवन दिनेछु । मलाई माया गरे तपाईंलाई सास फेर्न सजिलो बनाउनेछु’ । ललितपुरको जावलाखेल–कुमारीपाटी सडकका दुवै छेउमा हालसालै रोपिएका बिरुवामा लेखिएका सूचनामूलक वाक्य हुन् यी ।
बिरुवामा झुण्ड्याएर लेखिएका सूचनामूलक वाक्यले सडकछेउमा हिँड्ने जो कोहीको ध्यान तान्ने गरेको छ ।
ललितपुर महानगरपालिका वडा नम्बर ५ ले २ हप्ताअघि जावलाखेल–कुमारीपाटी सडकका दुवै छेउमा वृक्षारोपण गर्यो । वृक्षारोपण कार्यक्रमको ललितपुर क्षेत्र नम्बर ३ की नेकपा सांसद पम्फा भुसालले उद्घाटन गरेकी थिइन् ।
‘स्वच्छ सफा हराभरा, धुलोरहित वडा’ मूल नाराका साथ हरियाली वातावरण र अक्सिजनको लागि वृक्षारोपण गरिएको वडाध्यक्ष विकासमान श्रेष्ठले बताए ।
वडा कार्यालयले कुमारीपाटी क्लबलाई बिरुवाको संरक्षण गर्ने मुख्य जिम्मा दिएको श्रेष्ठले बताए । ‘साना बिरुवा हुर्काउन धेरै नै गाह्रो हुन्छ, मान्छेहरूले निमोठिदिने, गाईवस्तुले खाइदिने, तारको बार लगाउँदा पछि बार निकाल्न झन्झट हुने गरेकाले ठूला बिरुवा नै रोेपेका हौं,’ अध्यक्ष श्रेष्ठले भने ।
कुमारीपाटी–जावलाखेल सडकको दुवै छेउमा १ सय बिरुवा रोपिएका छन् । विरुवामा ‘मेक सिटी ग्रीन एण्ड क्लीन, स्वच्छ वातावरणका लागि तपाईंको सहयोग अनिवार्य छ’ लेखेर सूचनामूलक कागज झुण्ड्याइएको छ । ‘मान्छेहरू देख्ने भएपनि देख्दैनन्, त्यसैले सूचनामूलक कुरा लेखेर झुण्ड्याएका हौं,’ श्रेष्ठले भने ।
महानगरपालिकाको वडा नम्बर ५ प्रसादी कलेज, युनाइटेड कलेज, बैंक वित्तीय संस्था र कुमारीपाटी क्लब लगायत क्षेत्रमा वृक्षारोपण गरिएको छ । वडा कार्यालयले वृक्षारोपणको मुख्य जिम्मा कुमारीपाटी क्लबलाई दिएको छ । ‘आगामी वर्षदिनमै ५ नम्बर वडालाई हराभरा र धुवाँधुलोरहित वडा बनाउँछौं,’ अध्यक्ष श्रेष्ठले भने ।
वडाले हराभरा बनाउन ५० लाख रुपैयाँ बजेट छुट्याएको छ । वडाभरि नै सडकछेउमा बिरुवा रोप्ने योजना बनाइएको वडाध्यक्ष श्रेष्ठले बताए । ‘सरसफाईका कामहरू भइरहेका छन्, आउँदो सोमवार पनि जावलाखेलको गणेशमान पार्कसहित जावलाखेल नै सरसफाईको कार्यक्रम राखेका छौं,’ श्रेष्ठले भने ।
वडा नम्बर ५ सहित १३, १९ र २० नम्बर वडामा पनि वृक्षारोपणका कार्यक्रम गर्ने योजना रहेको बताउँछन् कुमारीपाटी क्लबका अध्यक्ष केशव खड्का । कुमारीपाटी–जावलाखेल सडकको साढे २ किलोमिटर सडकमा कीर्तिपुरको थापा नर्सरीबाट विरुवा ल्याएर वृक्षारोपणको कार्य गरिएको हो । बिरुवाको गोडमेलका लागि १ वर्षसम्म थापा नर्सरी र कुमारीपाटी क्लबबीच मौखिक सम्झौता भएको छ । ‘कुमारीपाटी क्लबले थापा नर्सरीसँग १ वर्षका लागि एउटा बिरुवाको वार्षिक ३ हजार ५ सय रुपैयाँका दरले मौखिक सम्झौता गरेको छ,’ खड्काले भने । बिरुवा मरे भने थापा नर्सरीले नै अर्काे बिरुवा लगाउनुपर्ने सम्झौतामा उल्लेख छ ।
बिरुवाको संरक्षण कुमारीपाटी क्लबले गर्ने र क्लबले बोलाएको बेला आएर गोडमेल गरिदने गरी थापा नर्सरीसँग सम्झौता भएको उनले बताए । ‘हामीले बिरुवाको निगरानी राख्छौं, यसको गोडमेल गर्ने, हुर्काउने जिम्मा भने थापा नर्सरीले गर्छ,’ खड्काले भने ।
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...