×

NMB BANK
NIC ASIA

सम्पादकीय

जनताको सहानुभूति नरहेको संसद अवरोध

भदौ ३१, २०७६

NTC
Sarbottam
Premier Steels
Marvel

संसद अवरोधको शृंखला फेरि शुरू भएको छ । १ महिना नहुँदै संसदमा कांग्रेसको विरोध शुरू भएको छ ।

Sagarmatha Cement
Muktinath Bank

नेत्रविक्रम चन्द ‘विप्लव’ समूहका सर्लाही जिल्ला इन्चार्ज कुमार पौडेल तथा ठेकेदारको लापरवाहीले खाल्डोमा डुबेर बालकको मृत्यु भएको भन्दै प्रदर्शन गरिरहेका स्थानीयमाथि प्रहरीको गोली लागि मृत्यु भएका सरोजनारायण सिंहको हत्याबारे संसदीय छानबिन समितिको माग गर्दै कांग्रेस र राजपाले असार २४ गतेदेखि लगातार २६ दिन संसद बैठक अवरुद्ध गरेका थिए ।


Advertisment
RMC TANSEN
IME BANK INNEWS
shivam ISLAND

भविष्यमा संसद अवरोध हुन नदिन संविधान नियम र स्थापित परम्परा अनुसार आवश्यक अध्ययन गरी सुझाव पेश गर्न ७ सदस्यीय समिति गठन गर्ने सहमतिपछि साउन २० गते संसदको गतिरोध अन्त्य भएको थियो । 


Advertisment
SBL

लामो समयको गतिरोधपछि संसद अवरोध हटेको १ महिना १० दिनपछि कांग्रेसले फेरि संसद अवरोधको उहीँ पट्यारलाग्दो शृंखला शुरू गरेको छ ।

Vianet communication
Laxmi Bank

पार्टीको जागरण अभियानका क्रममा भदौ २६ गते खजुरामा जिल्ला सभापति किरण कोइराला लगायत केन्द्रीय प्रतिनिधिमाथि नेकपा कार्यकर्ताबाट भएको आक्रमणबारे सरकारको जवाफ माग गर्दै कांग्रेसले यसपटकको संसद अवरोध शुरू गरेको हो ।

भदौ २९ गतेको बैठकमा कांग्रेसको माग अनुसार सरकारका तर्फबाट गृहमन्त्री रामबहादुर थापाले जवाफ दिए – घटनामा संलग्नलाई कारवाही गर्न सरकार प्रतिबद्ध छ । कांग्रेस सांसदले गृहमन्त्रीलाई पुरक प्रश्न सोधे – आक्रमणकारी कहिले पक्राउ पर्छन् ? 

गृहमन्त्रीले तत्कालै जवाफ दिए – ३ जना पक्राउ परे, बाँकी पनि पर्छन्, दोषीमाथि कारवाही हुन्छ । 

गृहमन्त्रीको जवाफ चित्तबुझ्दो नभएको भन्दै विरोध जनाएपछि सभामुख कृष्णबहादुर महराले संसदको बैठक १० मिनेटका लागि स्थगित गरे । २ घण्टापछि बसेको आइतवारको दोस्रो बैठकमा पनि कांग्रेस सांसद उभिएर विरोध जनाइरहेपछि महराले सोमवार दिउँसो ३ बजेसम्मका लागि बैठक स्थगित गरे । 

सोमवार कार्यव्यवस्था परामर्श समिति बैठकमा कांग्रेसको तर्फबाट सचेतक पुष्पा भुसाल बोल्ने र सभामुखले निर्देशन दिएपछि बैठक सुचारु गर्ने सहमति थियो । बैठकको शुरूमा कांग्रेस सचेतकले आफ्ना कुरा राखेर बोलिसकेकी थिइन् । सभामुख महराले नेकपा सांसद नन्दलाल रोका क्षेत्रीलाई बोल्न समय दिए । क्षेत्रीले बाँके घटना कांग्रेसले दाबी गरेजस्तो नभएको दावी गर्दै कांग्रेसले आरोप लगाएका व्यक्तिलाई कारवाही गरे आन्दोलन गर्ने चेतावनी दिए ।

‘वडाध्यक्षलाई मुद्दा लगाउने कुरा स्वीकार्य छैन, कांग्रेसले आन्दोलन गरे आन्दोलन गर्न हामी पनि तयार छौं । समिति गठन गरेर छानबिन गर्नुपर्छ,’ उनले भने ।

नेकपा सांसदलाई समय दिएकोमा आपत्ति जनाएका कांग्रेस सांसदहरू ‘संसदीय निष्पक्षता’को नारा लगाउँदै संसदको वेलमा पुगे । सोमवार कांग्रेस सांसद उत्तेजित हुँदै वेल घेर्न जानुपर्ने अवस्था थिएन । नेकपा सांसदले आफ्नो भनाइ राखेका थिए, त्यो न नेकपाको आधिकारिक धारणा थियो, न सरकारका गृहमन्त्रीको जवाफ ।

आइतवार राति प्रधानमन्त्री एवं नेकपा अध्यक्ष केपी शर्मा ओली र प्रमुख प्रतिपक्षी नेपाली कांग्रेसका सभापति शेरबहादुर देउवा लगायतका नेताबीच अवरुद्ध सदन चलाउने विषयमा सहमति भएको थियो । तर बिच्किएको कांग्रेसले वेल घेरेर चर्को नारावाजी गर्‍यो र सोमवार पनि संसदको बैठक अवरुद्ध भयो । 

प्रतिपक्षी कांग्रेसले संसदमा गरेको विरोध/अवरोधप्रति सर्वसाधारण जनताको कुनै सहानुभूति छैन । महंगी, भ्रष्टाचारविरुद्ध जवजीविकाका मुद्दा उठाएर उसले संसद अवरुद्ध गरेको पनि होइन । पछिल्लो समय देशमा भएका ठूला आर्थिक घोटालामा सत्ता र प्रतिपक्षी दलका नेताको घाँटी जोडिएको सर्वसाधारणको आरोप छ ।

राजनीतिक दलको शान्तिपूर्ण कार्यक्रममा सत्ताको आडमा ‘भिजिलान्ते’ प्रयोग गरेर आक्रमण भएको हो भने खेदजनक कार्य हो तर नेपाली कांग्रेसले गरिरहेको संसद अवरोध निरर्थक छ । संसदीय लोकतन्त्रलाई आदर्श मान्ने पार्टीले साना–साना निहुँमा जनताको सर्वोच्च निकाय संसदको मुख थुन्ने कार्यलाई कदापी सही भन्न सकिन्न । संसदीय गरिमा कायम गर !

hAMROPATRO BELOW NEWS
TATA Below
कात्तिक १३, २०८०

संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ ।  नेपालको शान्ति प्रक्रियाको शुरूआती चरणमा राष्ट्र संघले सहजीक...

भदौ २४, २०८०

संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...

असार ४, २०८०

वर्षायाम शुरू नहुँदै असार २ गते शनिवार मध्यरातमा आएको बाढीका कारण पूर्वी पहाडी जिल्लामा धनजनको ठूलो क्षति पुगेको छ । ताप्लेजुङ, पाँचथर र संखुवासभा जिल्ला बाढीका कारण बढी प्रभावित भएका छन् । मध्यरातमा आ...

पुस ११, २०८०

कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...

साउन १, २०८०

लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ ।  स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...

माघ २५, २०८०

काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x