नयाँदिल्ली – बलिउडकी चर्चित नायिका सोनाक्षी सिन्हाले भारतीय अभिनेता अमिताभ बच्चनले सञ्चालन गर्ने ‘कौन बनेगा करोडपति’ कार्यक्रममा रामायणबारे सोधिएको प्रश्न नजानेपछि समर्थकले व्यंग्य बाणको वर्षा गरेका छन् ।

कार्यक्रममा सिन्हालाई हनुमानको सोधिएको थियो – रामायणका अनुसार हनुमानले कसका लागि सञ्जीवनी बुटी ल्याएका थिए ? यसको सही उत्तर लक्ष्मण हो ।

तर कार्यक्रममा उत्तर नजान्दा सिन्हाले विज्ञको सहायता लिने निर्णय गरेकी थिइन् । सामान्यजस्तो प्रश्न समेत नजानेपछि नायिका सिन्हा सहभागी कार्यक्रमको भिडियोलाई सामाजिक सञ्जालमा ‘ट्रोल’ बनाइएको छ ।

नायिका सोनाक्षीको परिवार बस्ने घरको नाम रामायण राखिएको छ, उनका बुवा–काकाको नाम समेत रामायणकै पात्रका नाम राखिएका छन् । उनका भाइको नाम लव–कुश छ तर उनले रामायणको सजिलो प्रश्नको जवाफ समेत दिन सकिनन् । यो कुरा उनका समर्थकलाई पचेन तर सामाजिक सञ्जालमा व्यंग्य गर्न थाले ।

सामाजिक सञ्जालमा व्यंग्य वर्षा भएपछि नायिका सिन्हाले ट्विटरमार्फत भनेकी छन् – मलाई पाइथागोरस, मुगल वंशको वंशावली लगायत अरु के–के आउँदैन, त्यो पनि थाहा छैन । यदि तपाईंहरूसँग काम छैन र धेरै फुर्सद छ भने कृपया सबै विषयमा ‘मीम्स’ बनाउनुस्, मलाई ‘मीम्स’ मन पर्छ ।

Dear jaage hue trolls.I don't even remember the Pythagoras theorem,Merchant of Venice,Periodic Table,Chronology of the Mughal Dynasty,aur kya kya yaad nahi woh bhi yaad nahi. Agar aapke paas koi kaam nahi aur Itna time hai toh please yeh sab pe bhi memes banao na. I love memes 😂

— Sonakshi Sinha (@sonakshisinha) September 21, 2019

सिन्हाको यो जवाफमाथि समेत व्यंग्य शुरू भएको छ । एक समर्थकले जवाफमा लेखे, ‘त्यसो भए केबीसी (कौन बनेगा करोडपति) मा किन जानुभएको बहिनी ?'