पर्सा– भन्सार छली ल्याउदै गरेको जुत्ता चप्पलसहित विभिन्न सामानहरू पर्सा प्रहरीले बरामद गरेको छ ।

आइतवार विरगञ्ज महानगरपालिका १० अशोकवाटीकाबाट १०/१२ जनाको समूहले भन्सार छलेर ल्याउँदै गरेको अवस्थामा बरमद गरिएको जिल्ला प्रहरी कार्यलय पर्साले जनाएको छ । 

प्रहरीका अनुसार, जेन्स जुत्ता ४४५ पिस, सेन्डील १६८ पिस, चप्पल ४० जोर गरी जम्मा २ लाख ६१ हजार मूल्य बराबरको जुत्ता चप्पल, बरामद गरिएको छ । त्यस्तै, विरगञ्ज १० बर्सपार्कबाट कुर्ता सुरुवाल, साडी, सर्ट र सुटिङ कपडा, चपडा र सुर्तीलगायतका करिब ४ लाख ९८ हजार ७ सय ६० रुपैयाँ बराबरको सरसामान बरामद गरिएको प्रहरीले जनाएको छ ।

प्रहरीका अनुसार, गस्तीमा रहेका प्रहरी टोलीलाई देखेर भागिरहेकामध्ये विरगञ्ज १ छप्कैया बस्ने ४० वर्षिय मुन्ना मिया र २५ वर्षिय सन्तोष कुमार साहलाई नियन्त्रणमा लिइएको छ । अहिले त्यसबारे विस्तृत अनुसन्धान भैरहेको प्रहरीले जनाएको छ।