काठमाडौं–निजी लगानीको वायु सेवा कम्पनी श्री एयरलाइन्सले हवाई भाडामा जेष्ठ नागरिकलाई सहुलियत प्रदान गरेको छ ।

आउँदै गरेको चाडपर्वलाई लक्षित गर्दै एयरलाइन्सले ८५ वर्षभन्दा माथिका जेष्ठ नागरिकलाई ५ सय रुपैयाँ मात्र भाडामा सेवा दिने जनाएको छ । 

एयरलाइन्सले एक विज्ञप्ती सार्वजनिक गर्दै सोमवार  यो सेवा आगामी असोज १२ गतेबाट लागू हुने जनाएको छ  । यस्तै ७५ वर्ष उमेर पुगेका जेष्ठ नागरिकलाई इन्धनको मूल्य र करबाहेक भाडामा ५० प्रतिशत छूट दिने एयरलाइन्सले जनाएको छ । 

सेवा पाउनका लागि जेष्ठ नागरिकले उमेर खुल्ने सक्कल नागरिकता वा आधिकारिक परिचयपत्र पेश गर्नुपर्ने जनाएको छ ।