काठमाडौं – हङकङमा मुकुण्डो लगाएका हजारौं प्रदर्शनकारीहरूले एउटा शपिङ मल र रेल स्टेसनहरूमा तोडफोड तथा आगजनी गरेका छन् । 

उनीहरू सडक सडकमा आएर प्रहरीसँग भिडन्त पनि गरेका छन् । प्रहरीले उनीहरूमाथि अश्रूग्यास प्रहार गरेको छ भने अभियन्ताहरूले प्रहरी ब्यारिकेडमा आगजनी गरेका छन् । 

बेइजिङविरोधी प्रदर्शन गत १६ हप्तादेखि भइरहेको छ र यसक्रममा अभियन्ताहरूले ब्यारिकेड तेर्स्याएर त्यसमा आइतवार आगजनी गरेका छन् । हङकङ प्रहरीले अश्रूग्यास प्रहार गर्ने अनि भीडलाई तितरबितर गराउने काम गरे ।

विरोधकर्ताहरूले चीनप्रतिको वितृष्णा अभिव्यक्त गर्ने क्रममा राष्ट्रिय झण्डाको अपमान पनि गरे । उक्त झण्डा शिया टिन सभागृहबाट खोसिएको थियो ।

केही उग्र अभियन्ताहरूले सीसीटीभी क्यामरा तोडफोड गरे, सरकारविरोधी ग्राफिटी पोते अनि ब्यारिकेड बनाउन वाल प्यानल भतकाए ।

How protesters in Sha Tin New Town Plaza are having fun on Chinese national flag. Vid from Telegram. pic.twitter.com/DtQQYm01nB

— Xinqi Su (@XinqiSu) September 22, 2019

एजेन्सी