पत्नीको आत्महत्या दुरुत्साहनबाट मुक्ति पाएपछि बिहे, कान्छीसँग खटपट हुँदा छोरीसहित आत्महत्या !

प्रतिकात्मक तस्वीर
असोज ११, २०७६

धनगढी – पत्नीलाई ‘आत्महत्या दुरुत्साहन’ गरेको अभियोगमा थुनामा परेका एक व्यक्तिले दोस्रो वैवाहिक सम्बन्ध पनि नटिकेपछि कैलालीमा ३ वर्षीया छोरीको हत्या गरी आत्महत्या गरेका छन् ।

जिल्लाको गौरीगंगा नगरपालिका–५ का रामबहादुर कलेलले छोरीलाई विषादी खुवाएर हत्या गरी आफूले पनि विषादी सेवन गरेर आत्महत्या गरेको जिल्ला प्रहरी कार्यालय कैलालीले जनाएको छ । 


ADVERTISEMENT

जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतका अनुसार मृतक कलेलले ३ वर्षीया छोरी अनुष्कालाई विष खुवाएपछि आफू पनि सेवन गरेर आत्महत्या गरेको बताए ।

प्रहरीका अनुसार गत वैशाख १६ गते घर झगडाकै कारण कलेलकी पहिलो पत्नी सरिता कलेलले कोठामै झुन्डिएर आत्महत्या गरेकी थिइन् । सरिताको मृत्युपछि रामबहादुरविरुद्ध सरिताको माइती पक्षले आत्महत्या दुरुत्साहनको मुद्दा दर्ता गराएका थिए ।

सरिताका माइती पक्षले दुरुत्साहनमा मुद्दा दर्ता गरेपछि जेठ २६ गते जिल्ला अदालत कैलालीले कलेललाई पुर्पक्षका लागि कारागार चलान गरेको थियो । साउन २२ गतेको अदालतको इजलासले उनलाई निर्दोष ठहर गरेपछि उनी छुटेका थिए ।

गौरीगंगा नगरपालिकाको बडैपुर बजारमा कस्मेटिक पसल सञ्चालन गरेका कलेलले जेलबाट छुटेपछि १ महिनाअघि कान्छी पत्नी भित्र्याएका थिए तर कान्छी पत्नीसँग पनि सम्बन्ध जम्न नसकेपछि दिनहुँ झैझगडा हुने गरेको बडैपुरका स्थानीय व्यापारी गंगा शर्मा बताउँछन् ।

तर अदालतबाट सफाइ पाएको व्यक्तिले छोरीको हत्यापछि आत्महत्या किन गर्‍यो भन्ने कुरा रहस्यमय बनेको छ । यसबारेमा प्रहरीले अनुसन्धान शुरू गरेको प्रहरी नायव उपरीक्षक बस्नेतले बताए । उनले अदालतको फैसलामा ‘सुसाइट नोट’ लेखेर आत्महत्या गरेको प्रहरीले घटना थप रहस्यमय रहेको प्रहरीको भनाइ छ । मृतक बुवाछोरीको शव सेती अञ्चल अस्पताल धनगढीमा राखिएको छ ।

असोज ११, २०७६ मा प्रकाशित

लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

लेखकबाट थप...

प्रतिक्रिया दिनुहोस