काठमाडौं – जापानमा अहिले हागिबिस तूफानका कारण आएको बाढीले बिजोक बनाएको छ । 

त्यहाँ भएका बर्बादीका दारुण तस्वीरहरू सार्वजनिक भएका छन् । जनजीवन निकै नराम्ररी प्रभावित भएको छ र चारैतिर पानी पानी छ । 

यसले गर्दा ७० जनाको मृत्यु भइसकेको छ । 

जापानको पहिचानका रूपमा रहेको तथा जीवनमा गति दिने बुलेट ट्रेन पनि पानीमा डुबेको छ । ट्य्राक त पहिले नै पानीमा डुबेका थिए अहिले र स्टेसनहरू समेत डुबेका छन् । 

राजधानी टोक्यो समेत देशका अन्य भागमा पनि मानिसहरू घर छोडेर अग्ला ठाउँमा शरण लिन बाध्य भएका छन् । बाढीसँगै भूस्खलनका घटनाहरू पनि सार्वजनिक भएका छन् । 

फूटेजहरूमा जापानमा आएको विनाशको भयानक चित्र प्रस्तुत भएको छ । 

देशका १२ नदी किनारा भत्काएर बगिरहेका छन् । पानीको प्रवाह चर्को भएकाले गाडीहरू बगिरहेका छन् । सरकारले १७ हजार सुरक्षाकर्मीलाई उद्धारमा खटाएको छ ।

एजेन्सी