काठमाडौं – भारतको रनथम्बोर राष्ट्रिय निकुञ्जमा घुम्न गएका पर्यटकहरूले केही मिटरको दूरीमा दुईवटा बाघको भीषण भिडन्त देखेका छन् । 

उनीहरूले एउटा बाघको तस्वीर खिच्दै गर्दा अचानक अर्को बाघ आएर भिड्न शुरू गरेको थियो । 

दुवै बाघ पछाडिको खुट्टामा उभिएर एकअर्कालाई मुक्का बर्साइरहेका थिए । 

उक्त भिडन्तमा कसैको पनि जीत भएन तर पर्यटकहरूले अनौठो दृश्य नजिकैबाट हेर्न पाए । 

एक वन अधिकारीले बताए, ‘उनीहरू दुवैको उमेर जोड्दा नौ वर्ष पुग्छ र उनीहरूले नूर टी–३९ बघिनीसँग सम्भोग गर्नका लागि भिडन्त गरेका हुन् भन्ने हाम्रो विश्वास छ । उनीहरूको लडाईं अझै सकिएको छैन होला त्यसैले हामीले उनीहरूको गतिविधिमा कडा निगरानी राखिरहेका छौं ।’

एजेन्सी