धनुषामा ६ राउन्ड हवाइ फायर

प्रतिकात्मक तस्वीर
कात्तिक १, २०७६

काठमाडौं – प्रहरीले धनुषाको हंसपुर नगरपालिकाको निकाल गाउँमा ६ राउन्ड हवाइ फायर गरेको छ ।

तस्करले लुकाएर राखेको सामान बरामद गर्ने क्रममा अवरोध भएपछि प्रहरीले हवाइ फायर गरेको हो ।


ADVERTISEMENT

तस्करले स्थानीय महिला र बालबालिकालाई अघि सारेर सामान बरामद गर्न अवरोध गरेपछि प्रहरीले हवाइ फायर गरेको जिल्ला प्रहरी कार्यालय धनुषाका एसपी शेखर खनालले बताए ।

गाउँमा तस्करीको सामान भण्डारण गरेको सूचनाका आधारमा प्रहरी घटनास्थलमा पुगेको थियो । साँझ पौने ६ बजे हवाइ फायर गरेपछि सर्वसाधारण तितरवितर भएका र सामान बरामदको काम भइरहेको एसपी खनालले बताए ।

बरामद गरिएको सामान अन्दाजी २५ लाख रुपैयाँ बराबरको हुनसक्ने एसपी खनालले बताए ।

कात्तिक १, २०७६ मा प्रकाशित

गगन अर्याल

लोकान्तर संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

लेखकबाट थप...

प्रतिक्रिया दिनुहोस