काठमाडौं – एक परेवा विमानमा थुनिएपछि क्याबिनमा यताउता उडेको छ । त्यसले गर्दा अव्यवस्था भएपछि उडान अवरुद्ध भएको छ । 

घटनाको फूटेजमा तर्सिएको परेवा सीटहरू र छतमा पखेटा फडफडाउँदै उडेको देखिन्छ । घटना रुसको शेरेमेत्येभो अन्तर्राष्ट्रिय विमानस्थलमा शनिवार एयरोफ्लोट उडान एसयू१७३० मा भएको हो । 

भिडियोमा विमान कर्मचारीहरूले परेवालाई समात्न खोजेको देखिन्छ । 

एक कर्मचारीले क्याबिनको ढोका खोलेको समेत देखिन्छ । 

चरा समात्ने धुनमा उडान २० मिनटभन्दा ढिलो भएको स्थानीय मिडियाहरूले बताएका छन् । 

उडानहरूको बीचमा विमानको सरसफाइ हुँदै गर्दा परेवा क्याबिनमा पसेको हुनसक्ने अनुमान गरिएको छ । 

एजेन्सी