भारतको गुजरातस्थित अहमदाबादमा रहेको एक गोदामबाट दुई लाख भारुभन्दा बढी पर्ने काजु चोरहरूले उडाएका छन् । 

प्रहरीका अनुसार, अहमदाबादको गोदामबाट चोरहरूले २१३ किलो काजु चोरेका हुन् । 

अहमदाबादका एक व्यापारीले गत साता सात लाख ११ हजार भारुको काजु मगाएका थिए । काजुलाई माधवपुराको एक गोदाममा राखिएको थियो । 

शनिवार व्यापारीले गोदाम खोल्दा काजुका अनेकौं बोरा गायब थिए । अनि गोदामको सीसीटीभी क्यामरा हेर्दा काजुका बोरा चोरिएको थाहा भयो । 

प्रहरीका अनुसार, गत शुक्रवार तीनजना एउटा ट्रली लिएर गोदाममा आए र केही बोरा चोरेर लगे । 

व्यापारीले माधवपुरा प्रहरी कार्यालयमा उजुरी दर्ता गराएको र त्यस आधारमा प्रहरीले अनुसन्धान गरिरहेको प्रहरीको भनाइ छ । सीसीटीभी फूटेजका आधारमा चोर पत्ता लगाउने कोशिश गरिएको छ ।