सेक्युरिटी प्रेस खरिदसम्बन्धी प्रकरणमा स्वीस कम्पनीका एजेन्टसँग बार्गेनिङ गरेको आरोप लागेका सञ्चार तथा सूचना प्रविधि मन्त्री गोकुल बाँस्कोटासँग बिहीवार प्रश्नोत्तर कार्यक्रम गर्ने कार्यसूची छ । 

दिउँसो १ बजे बस्ने प्रतिनिधि सभा बैठकको सम्भावित कार्यसूचीमा सञ्चार र अर्थमन्त्रीसँग प्रश्नोत्तरको कार्यक्रम छ । संसद्को हिउँदे अधिवेशनमा मंगलवारदेखि संसद्‍मा प्रश्नोत्तर कार्यक्रम शुरू भएको थियो । 

बिहीवार नै सेक्युरिटी प्रेस खरिद प्रकरणमा लेखा समितिले सञ्चार सचिव लगायतसँग बिहीवार नै छलफल गर्दैछ । सेक्युरिटी प्रिन्टिङ प्रेस खरिदमा अनियमितताको आशंकामा लेखा समितिले छलफल गरिरहेको छ ।

अडियो प्रकरणबारे अहिलेसम्म सञ्चारमन्त्री बाँस्कोटाले मुख खोलेका छैनन् । सामाजिक सञ्जालमा पनि मन्त्री बाँस्कोटाको चर्को आलोचना भएको छ ।

मन्त्रिपरिषद्का निर्णय सार्वजनिक गर्न मन्त्री बाँस्कोटाले बिहीवार नियमित पत्रकार सम्मेलन समेत गर्दै आएका छन् । काठमाडौंबाहिर रहेका मन्त्री बाँस्कोटाले काठमाडौं फर्केपछि बोल्ने बताएका छन् । 

सरकारले पसर्पोट, लाइसेन्स, राजस्वका स्टिकर लगायत छाप्नका लागि सरकारले सेक्युरिटी प्रिन्टङ प्रेस स्थापनाको तयारी गरेको छ ।

हेर्नुहोस्, संसद्को कार्यसूची :