सेक्युरिटी प्रिन्टिङ प्रेस खरिद प्रकरणको अडियो सार्वजनिक गर्ने विजयप्रकाश मिश्रविरुद्ध प्रहरीमा साइबर क्राइमको उजुरी परेको छ ।

संघीय संसद्को सार्वजनिक लेखा समिति सदस्यहरूका तर्फबाट प्रहरी प्रधान कार्यालयको साइबर अपराध हेर्ने शाखामा उजुरी दर्ता भएको हो ।

आफूहरूलाई मुछेर चरित्र हत्या गरेको भन्दै सार्वजनिक लेखा समितिका सदस्यहरूको तर्फबाट साइबर क्राइमको उजुरीका लागि पत्र आएको प्रहरी प्रधान कार्यलयका प्रवक्ता डीआईजी शैलेस थापा क्षेत्रीले लोकान्तरलाई जानकारी दिए ।

प्रहरी प्रधानकार्यलयले उजुरी दर्ता नगर्ने भएकाले उक्त पत्रलाई साइबर क्राइम अनुसन्धान ब्यूरो भोटाहिटीमा पठाइने डीआईजी थापा क्षेत्रीले बताए ।

मिश्रले सेक्युरिटी प्रेस खरिद प्रकरणमा सांसदहरूपनि मुछिएको प्रतिक्रिया दिएका थिए । 

सोही प्रकरणको अडियो सार्वजनिक भएपछि गोकुल बाँस्कोटाले मन्त्री पदबाट राजीनामा दिनुपरेको थियो ।