कात्तिक १५, २०८०
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
फागुन १२, २०७६
प्रतिनिधिसभा निर्वाचनदेखि नै नेपालीमा रेल यातायातको सपना तीव्र रुपमा जागृत गरिएको छ । पूर्वपश्चिम रेलमार्ग चुनावी नारादेखि सरकारी प्राथमिकतामा परेको पाइन्छ ।
सरकारी निकायले रेलमार्ग निर्माणका लागि के गरिरहेका छन् ? रेल विभागका अनुसार सञ्चालनको अन्तिम तयारीमा रहेको जनकपुर–जयनगर रेलमार्गबाहेक सरकारले ६ वटा रेलमार्ग निर्माण परियोजनालाई अगाडि बढाएको छ ।
प्रस्तावित पूर्वपश्चिम रेलमार्ग नेपालको सबैभन्दा लामो रेलमार्ग परियोजनाका रुपमा प्रस्ताव गरिएको छ । विस्तृत परियोजना प्रतिवेदन (डीपीआर) अनुसार पूर्वपश्चिम विद्युतीय रेलमार्गको लम्बाई १ हजार ३ किलोमिटर ८५६ मिटर हुनेछ । पूर्वपश्चिम विद्युतीय रेलमार्गलाई ६ वटा खण्डमा विभाजन गरिएको छ । रेलमार्गको लागत ६ खर्ब ८७ अर्ब हुने अनुमान गरिएको छ ।
पूर्वमा झापाको काँकडभिट्टामा ‘टर्मिनल स्टेसन’ निर्माण गरिने डीपीआरमा उल्लेख छ । काँकडभिट्टाबाट छुटेको रेल बिर्तामोड आइपुग्दा त्यहाँ ‘प्यासेन्जर स्टेसन’ रहने गरी डीपीआर तयार गरिएको रेल विभागले जनाएको छ ।
बिर्तामोडबाट छुटेको रेल कन्काई नगरपालिकाको सुरुङ्गामा आइपुग्ने छ । सुरुङ्गामा यात्रु ओर्लिन र चढ्न सक्नेछन् । त्यहाँबाट पश्चिम लागेपछि रेल यासोका पुग्छ, त्यहाँ ‘सिग्नल स्टेसन’ मात्रै रहने गरी डीपीआर बनेको रेल विभागले जनाएको छ ।
दमकमा यात्रुले चढ्ने र झर्ने सुविधा पाउने छन् । त्यहाँबाट पश्चिम मोरङको उर्लाबारीमा रेल आइपुग्छ । उर्लाबारीमा पनि यात्रुले रेल चढ्न र ओर्लन पाउने व्यवस्था डीपीआरमा छ ।
उर्लाबारीबाट छुटेको रेल चण्डीटोल हुँदै माथिल्लो बलेपुर आइपुग्छ । माथिल्लो बलेपुरमा प्यासेन्जर स्टेसन रहने छ । माथिल्लो बलेपुरपछि पश्चिम इटहरी बजारमा अर्को प्यासेन्जर स्टेसन रहने छ ।
इटहरीको स्टेसनमा भारतबाट आउने रेललाई समेत जोड्न सकिने डीपीआरमा देखाइएको छ । इटहरी स्टेसनपछि रेल पश्चिमतर्फ सुनसरीको इनरुवास्थित प्यासेन्जर स्टेसनमा आइपुग्ने छ ।
डीपीआरअनुसार धनुषाको हरिहरपुर र धनपुरी हुँदै रेल सप्तरी जिल्लाको दिमान आइपुग्छ । त्यसपछि सप्तरीको राजविराज, मोहनपुर, बनरझुला हुँदै रेलमार्ग सिराहाको लहान पुग्नेछ । लहानमा प्यासेन्जर स्टेसन हुने हुँदा यात्रुले त्यहाँबाट रेल चढ्ने र झर्ने सुविधा प्राप्त गर्न सक्ने छन् ।
लहानबाट रेल पश्चिमतर्फ लागेर पूर्वपश्चिम राजमार्गको छेउछाउबाट धनगढी, असनपुर हुँदै मिर्चैया बजार पुग्ने छ । मिर्चैया बजारबाट कल्यानपुर, यजनभूमि, नक्तझ हुँदै महोत्तरीको बर्दिबास आइपुग्ने गरी डीपीआर तयार भएको रेल विभागले जनाएको छ ।
बर्दिबासको प्यासेन्जर स्टेसनपछि रेल बेलगाछी, बारान्तोल, जबडी हुँदै बाराको धुर्कौली पुग्ने छ । धुर्कोलीमा प्यासेन्जर स्टेसन रहने र त्यसपछि रेल कर्मैया हुँदै चन्द्रनिगाहपुर पुग्छ । चन्द्रनिगाहपुरमा ‘मेन स्टेसन’ रहने जनाइएको छ ।
डीपीआर अनुसार चन्द्रनिगाहपुरको चोचादेखि नवलपरासीको तम्सरियासम्म छुट्टै खण्ड तोकिएको छ । यो खण्डमा राष्ट्रिय निकुञ्ज पर्ने भएकाले पुनः डीपीआर तयार गर्नुपर्ने भएको रेल विभागले जनाएको छ । पुरानो डीपीआर अनुसार चोचादेखि तम्सरिया खण्डमा पर्सोना, मनहरुवा, भवानीपुर र सिमरा समेटिएका थिए । नयाँ डीपीआर अनुसार पूर्वपश्चिम रेलमार्ग नारायणगढ बजारतर्फको भागबाट बन्ने छ ।
नवलपरासी खण्डको तम्सरिया, कुसुण्डे, दुम्कीबास, बेलानी, उर्दिया, टिकापुर, सुनवलबाट रेलमार्ग रुपन्देहीको सितलनगरसम्म पुग्ने छ । नवलपरासीमा ७ वटा ‘प्यासेन्जर स्टेसन’ रहने डीपीआरमा उल्लेख छ ।
बुटवलबाट पश्चिमतर्फ कपिलवस्तु हुँदै रेलमार्ग दाङको लमही पुग्ने छ । लमहीबाट चौलाही, सतबरिया, रामनगर, हर्दवा, छापारगौरी, गबर, अगैया, मथेवास, मध्यपुरी र रंगीतालमा स्टेसन हुँदै कोहलपुरसम्म रेलमार्ग बनाउने गरी डीपीआर तयार भएको छ ।
कोहलपुरबाट बर्दिया जिल्लाको विभिन्न भाग हुँदै रेलमार्ग कैलालीको पहलवानपुर पुग्नेछ । कैलालीको पहलवानपुर, लंगडी, अत्तरिया, ओखलफाँटा र महेन्द्रनगरमा रेलको यात्रु स्टेसन बन्नेछन् । महेन्द्रनगरपछि रेलमार्ग कञ्चनपुरको पश्चिमी नाका गड्डाचौकीमा पुग्ने जनाइएको छ ।
रेल विभागका महानिर्देशक बलराम मिश्रले चितवन राष्ट्रिय निकुञ्जबाहेक पूर्वपश्चिम रेलमार्गको डीपीआर निर्माण पूरा भइसकेको बताए । निजगढदेखि तम्सरियासम्मको डीपीआर निर्माण गर्ने काम पनि भइरहेको छ । ‘बर्दिबास र निजगढ खण्डको ७० किलोमिटर क्षेत्रमा रेलको ट्रयाकबेड र पुल बनाउने कार्य भइरहेको छ,’ उनले भने ।
पूर्वपश्चिम विद्युतीय रेलमार्ग निर्माण भइसकेपछि राष्ट्रिय बचत र सामाजिक तथा आर्थिक विषयमा महत्त्वपूर्ण योगदान पुर्याउने विभागले जनाएको छ । पूर्वपश्चिम रेलमार्ग निर्माण भएर सञ्चालनमा आइसकेपछि वार्षिक रुपमा नेपालले आयात गर्ने पेट्रोलियम पदार्थ (पेट्रोल, डिजेल) मा १५ करोड लिटरले कटौती हुनेछ, जुन १५ अर्ब रुपैयाँ बराबर हो ।
रेलमार्ग सञ्चालनपछि नेपालीले पूर्व मेचीदेखि पश्चिम महाकालीसम्मको यात्रा ७–८ घण्टामा गर्न सक्नेछन् । विद्युतीय रेलको कारण वातावरणमा नकारात्मक प्रभाव नपर्ने र सवारीसाधन खरिद र मर्मतको क्षेत्रमा बर्सेनि बाहिरिने अर्बाैं रकम बचत हुने विभागको अनुमान छ ।
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...
गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...