स्कटल्यान्डको एक फूटबल टोलीकी कप्तान जेन ओ’टूलले खेलकै क्रममा गोडा भाँचिन् तर कुनै ठूलो घटना नभए जस्तो गरी खेल जारी राखिन् । 

सेन्ट मिरेन क्लबले कप्तान ओ’टूलको बहादुरीपूर्ण खेल भावनाको भिडियो क्लिप आफ्नो ट्विटर अकाउन्टमा शेयर गरेको हो । 

स्कटिश वीमेन्स आईसीटी विरुद्धको खेलमा ओ’टूल विपक्षी खेलाडीले ट्याकल गर्दा भुइँमा लड्छिन् र उनको नीक्याप (घुँडो) खुस्किन्छ । तर उनी घुँडोलाई थप्पड हान्छिन् र खेल जारी राख्छिन् । 

‘हाम्री कप्तान जेन ओ’टूल बलियी छिन् । इन्भर्नेसमा भएको खेलमा कसरी उनले खुस्किएको घुँडोको व्यवस्थापन गरिन् भन्ने कुरा हेर्नुस् न । उनी फेरि उठिन् र पूरै ९० मिनेट खेलिन्,’ ट्वीटमा लेखिएको छ । 

शुक्रवार पोस्ट गरिएको क्लिपले ट्वीटेहरूलाई स्तब्ध बनाएको छ । केहीले उनको बहादुरीको प्रशंसा गरेका छन् भने केहीले उनी शक्तिशाली महिला भएको भन्दै सम्मान दर्शाएका छन् ।

Our captain Jane O'Toole, is made of tough stuff. Just look at how she dealt with dislocating her knee during our recent game at Inverness.... you can't put a good woman down - she got back up and played the full 90 minutes ⚫⚽️🔴https://t.co/L8BLAVjmBN

— St Mirren WFC (@stmirrenwfc) February 21, 2020