नेकपाभित्र विवाद चर्किरहेका बेला एउटै मञ्चमा शीर्ष नेता : ओलीको बायाँ प्रचण्ड, दायाँ माधव नेपाल

प्रधानमन्त्री केपी शर्मा ओलीले उपाध्यक्ष वामदेव गौतमलाई राष्ट्रिय सभामा मनोनयनका लागि सिफारिश गर्न पार्टी निर्णयविपरीत अस्वीकार गरेपछि सत्तारुढ दल नेपाल कम्युनिस्ट पार्टी (नेकपा) भित्र विवाद चर्किरहेका बेला पार्टीका शीर्ष नेताहरू एउटै मञ्चमा उपस्थित भएका छन् ।

राजधानी काठमाडौंस्थित एक पार्टी प्यालेसमा आयोजित पार्टीको बाग्मती प्रदेशस्तरीय राजनैतिक प्रशिक्षण तथा भेलामा पार्टी अध्यक्षद्वय केपी शर्मा ओली र पुष्पकमल दाहाल प्रचण्ड तथा वरिष्ठ नेता माधवकुमार नेपाल एकसाथ उपस्थित भएका हुन् ।


Advertisement

बुधवार मध्याह्न बसेको नेकपा सचिवालय बैठकले उपाध्यक्ष गौतमलाई राष्ट्रिय सभामा लैजाने निर्णय गरेको थियो ।

त्यसको केही घण्टापछि वरिष्ठ नेता नेपाललाई फोन गरेर ओलीले सचिवालयको निर्णय नमान्ने बताएका थिए । आफूले अर्थमन्त्री युवराज खतिवडा नै निरन्तरता दिन लागेको उनको भनाइ थियो ।


Advertisement

ओलीको उक्त कदमपछि नेकपाभित्रको विवाद पेचिलो बनेको छ ।

पार्टीभित्रको विवादले कुन रूप लिने हो भन्ने यकिन भइनसक्दा पूर्वनिर्धारित कार्यक्रममा शीर्ष नेताहरू भेला भएका हुन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्