बाँस्कोटा काण्डमा ओलीको घोषणा : ‘भ्रष्टाचार गरेको प्रमाणित भएको छैन’

प्रधानमन्त्री केपी शर्मा ओलीले तत्कालीन सञ्चार तथा सूचना प्रविधिमन्त्री गोकुल बाँस्कोटाले भ्रष्टाचार गरेको प्रमाणित नभएको दाबी गरेका छन् ।

काठमाडौंमा आयोजित बागमती प्रदेशस्तरीय भेलालाई सम्बोधन गर्दै ओलीले कतिपयले ‘के निहुँ पाउ, कनिका बुकाउँ’ जस्तै गरिरहेको दाबी गरे ।


Advertisement

बाँस्कोटाको टेप प्रकरण प्रमाणित नभएको ओलीले बताए । ‘मेरो बारेमा प्रश्न उठेकाले राजीनामा गर्छु भनेर राजीनामा दिनुभयो तर कुनै प्रमाणित छैन । स्वीसको प्रतिनिधि होइन भनेर भनिसकेको छ । फ्रड हो भनेर एम्बेसीले भनिसकेको छ । कुनै सत्यता पुष्टि भएको छैन,’ ओलीले भने, ‘आफ्नो नाममा कुरा उठेकाले राजीनामा दिनुभएको हो । भ्रष्टाचार गरेकै प्रमाणित भएको छैन, उहाँको दोष रहेछ भने दोष अनुसारको सजाय भोग्नुहुन्छ । आरोप छैन, मुद्दा पनि छैन ।’

बाँस्कोटा काण्डमा आफूविरुद्ध समेत उजुरी परेको अखबारबाट थाहा पाएको बताउँदै ओलीले भने, ‘मेरो बारेमा पनि उजुरी हालेको छ भन्ने सुनेको थिएँ । त्यो उजुरी काम नलाग्ने पत्रु उजुरी हो । त्यो भ्रष्ट उजुरी हो ।’


Advertisement

भ्रष्टाचारमा संलग्नता देखिए अनुहार नहेरीकन कारवाही गर्छु प्रतिबद्धता समेत ओलीले जनाएका छन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्