राष्ट्रिय उपभोक्ता मञ्चका अध्यक्ष प्रेमलाल महर्जनले अत्यावश्यक वस्तुमा कालोबजारी गर्नेलाई कुनै पनि हालतमा छोड्न नहुने बताएका छन्।

‘त्यस्तो कालोबजारी गर्नेलाई कारबाही गर्नुपर्छ,’ शनिबार राजधानीमा आयोजित साक्षात्कारमा उनले भने,‘तत्काल प्रभावकारी रुपमा बजार अनुगमन गर्नुपर्छ।’

विपद्को घडमिा कालोबजारी गर्नु आपत्तिजनकमात्रै नभएर ठूलो अपराध भएको पनि उनको भनाइ छ। उनले यदि कसैले कालोबजारी गरेको पाए कालोबजारी ऐन–२०३० अन्तर्गत कारबाही गर्नुपर्ने पनि बताए ।

महर्जनले कालोबजारी तथा कृत्रिम अभाव नियन्त्रणको लागि एकीकृत प्रयास र अनुगमन गर्नुपर्ने पनि सुझाव दि । उनले भने,‘कोरोनाको बारेमा अहिले जसरी सामाजिक सञ्जामार्फत गलत प्रचार भैरहेको छ। यसरी भाइरल गर्ने काम नगरौं ।’

उनले बजार अनुगमन व्यापक हुनुपर्ने माग गरे। वाणिज्य विभागसँग अनुमनको लागि जम्मा १२ जना कर्मचारी रहेको सुनाउँदै उक्त जनशक्ति अत्यन्तै कम भएको पनि महर्जनले औंल्याए। उनले भने,‘म सरकारलाई यहीँबाट जनशक्ति थप्नको लागि आग्रह गर्न चाहन्छु।’