एनआईसी एसिया बैंक लिमिटेडले अन्तर्राष्ट्रिय नारी दिवसलाई लक्षित गरी बैंकका महिला ग्राहकका लागि विशेष योजना सार्वजनिक गरेको छ ।

यस योजनाअन्तर्गत यस वर्षको नारी दिवसका दिन अर्थात २०७६ फागुन २५ गते यस बैंकको मोबाइल बैंकिङ प्रयोग गरी कारोबार गर्ने १०० जना भाग्यशाली महिलाले १०० प्रतिशत वा रू. १०,०००/ सम्म नगद फिर्ता प्राप्त गर्न सक्नेछन् ।

यस बैंकका महिला ग्राहकले मो–बैंक एपबाट मोबाइल रिचार्ज गर्दा, बिजुलीको महसूल तिर्दा, हवाई टिकट खरिद गर्दा, क्यूआर पेमेन्ट लगायतका भुक्तानीहरूमा यो योजना लागू हुनेछ, तर वालेट लोड तथा फन्ड ट्रान्सफरलाई यस योजनामा समावेश गरिएको छैन ।

यस योजनाले आफ्ना सम्पूर्ण महिला ग्राहक महानुभावलाई सम्मान गर्नुका साथै उनीहरूमा डिजिटल बैंकिङ कारोबार गर्न प्रोत्साहन पुग्ने बैंकले विश्वास लिएको छ ।

बैंकले ल्याएको निःशुल्क डेबिट कार्ड र मोबाइल बैंकिङ सेवा सुचारू गरी दैनिक मोबाइल रिचार्ज, विद्युतीय महसूल भुक्तानी, हवाई टिकट, होटल तथा रेस्टुरेन्टहरूमा छूट, विभिन्न अवसर तथा चाडपर्वका बेला बैंकले ल्याएका छूट अफरहरू आदिको उपयोग गरी ग्राहकले पर्याप्त फाइदा उठाउँदै आएको बैंकको दाबी छ ।

जसअनुसार बैंकको मोबाइल बैंकिङ प्रयोग गर्दा मासिक रू. १५,४००/ सम्म तथा डेबिट कार्ड प्रयोग गरी मासिक रू. ६,०००/ सम्मको लाभ ग्राहकहरूले पाइरहेको बैंकले जनाएको छ ।

बैैंकले डिजिटल बैंकिङलाई प्रवद्र्धन गर्न २ हजार भन्दा बढी अस्पताल, होटल तथा रेस्टुरेन्ट, डिपार्टमेन्ट स्टोर, लगायतमा मोबाइल बैंकिङ र डेबिट कार्ड प्रयोग गरी २५ प्रतिशतसम्म छूट प्राप्त गर्न सक्ने व्यवस्था गरेको छ ।

डिजिटल फस्र्टको रणनीति अवलम्बन गरी डिजिटल बैंकिङ क्षेत्रमा अग्रणी बैंकका रूपमा स्थापित हुन सफल भैसकेको यस बैंक विभिन्न छूट तथा नगद फिर्ता अफरहरूका साथ आक्रमक रूपमा अघि बढिरहेको छ ।