सिनेमा जगतको प्रतिष्ठित अस्कर पुरस्कार जितेका निर्देशक वूडी एलनको संस्मरणात्मक पुस्तक ह्याचेट बूक ग्रूपले नछाप्ने निर्णय लिएको छ । 

उक्त कम्पनीका ७५ कर्मचारीले किताबको विरोध गर्दै अफिसबाट वाकआउट गरेका थिए । किताब अप्रिल महिनामा बजारमा पठाउन लागिएको थियो । लेखकका प्रतिलिपि अधिकारहरू उनैलाई फर्काइएको प्रकाशकको भनाइ छ । 

वूडी एलन अमेरिकाका प्रसिद्ध निर्देशक, अभिनेता र कमेडियन हुन् । उनले हलिउडमा ६ दशक बिताइसकेका छन् । उनले हालसम्म चारवटा अस्कर अवार्ड जितिसकेका छन् । 

एलनले धर्मपुत्री डाइलन फारोलाई सात वर्षको उमेरमै यौनशोषण गरेको आरोप छ । उनले सन् १९९२ मा शोषण गरेको फारोले बताइन् । तर निर्देशक एलनले यसलाई अस्वीकार गर्दै आएका छन् । 

डाइलनका भाइ रोनन फारोले एलनको पुस्तकका विषयमा कम्पनीले डाइलनसँग कुनै कुरा नगरेको बताए । ट्वीट लेखेर उनले कम्पनीको एथिक्समा प्रश्न समेत उठाए ।