सत्तारुढ दल नेपाल कम्युनिष्ट पार्टी (नेकपा) स्याङ्जा जिल्लाका ११ वटै स्थानीय तहमा तीनमहिने पार्टी एकता सुदृढीकरण तथा जनसम्बन्ध विस्तार अभियान शनिबारबाट शुरु गरेको छ ।

जिल्ला अध्यक्ष सूर्यप्रसाद गैरे 'पारस'ले अभियानका क्रममा पार्टी सदस्यता नवीकरण, एकताका बाँकी कामलाई पूर्णता दिनुका साथै जनवर्गीय सङ्गठनको एकीकरण, जनप्रतिनिधिसँग अन्तक्र्रिया गरिने जानकारी दिए ।

'कोरोना भाइरसबाट सचेतना फैल्याउन १ लाख पर्चाहरू छापेर घरघरमा पुर्याएर अभियानको शुरुवात गरिएको छ,' पारसले भने, 'यो जिल्लाको सबै घरहरूमा वितरण गरिनेछ ।' 

उनले पार्टीको सर्कुलेसन अनुसार तोकिएको समयमा प्रशिक्षण कार्यक्रमहरू सम्पन्न गर्ने पनि बताए ।

'अभियानका क्रममा १० हजार साधारण सदस्य थप्ने र ११ हजार संगठित सदस्य नवीकरण गरिनेछ,' पारसले भने । 

उनले सरकारले गरेका कामको प्रचारप्रसार , भेला ,कार्यकर्तासँग भेटघाट गरेर पार्टीका धारणा र विचारलाई जनतामाझ लैजाने बताए ।